Til va adabiyot fanlari tavsifi

Immunitetim – qalqonim (immunitet haqida)
Olinma soʻzlarning talaffuzi va imlosi. Matn tarkibida berilgan atamalarni aniqlash, ularning ma’nolari bilan tanishish, atamalar yordamida lug‘at tuzishga oid mashq va topshiriqlar.
Fe'l – so‘z turkumi, fe’lning so‘roqlari, harakat ma’nosini bildiruvchi soʻzlarga oid mashq va topshiriqlar. Berilgan matn tarkibidan so‘zlarga so‘roq berish orqali harakat ma’nosini bildiruvchi so‘zlarni ajrata olish bilan bog‘liq mashq va topshiriqlar ustida ishlash.
Berilgan matnni og‘zaki talaffuz me’yorlari asosida tinish belgilarini hisobga olib to‘g‘ri va ifodali o‘qiy olishni shakllantirish bilan bog‘liq topshiriqlar.
Berilgan matn tarkibidan ajratib ko‘rsatilgan so‘zlar ustida ishlash, ularni asos va qo‘shimchalarga ajrata olish, egalik qo‘shimchasi bilan tanishish, ularning talaffuzi va imlosini o‘rganishga doir mashq va topshiriqlar.
So‘z oxirida qator kelgan undoshli so‘zlar va ularning imlosi. Tinglangan matn tarkibidan shunday so‘zlarni ajrata olish, ular talaffuzi va imlosini o‘rganish bilan bog‘liq mashq va topshiriqlar.
Matn yaratish qoidalari bilan tanishish. Berilgan mavzu yuzasidan matn yaratish. Ifodalanayotgan fikrning tartibliligiga, mantiqan bir-birini davom ettirishi bilan bog‘liq mashq va topshiriqlar. Muayyan matnni mazmunan tugallangan qismlarga ajratish, matnga mos reja tanlashga o‘rgatish bilan bog‘liq topshiriqlar.