Til va adabiyot fanlari tavsifi

VIII BO‘LIM. TARIX XAZINALARI

(12 soat)

Imom Al-Buxoriy
Shaxs va uning xususiyatlarini ifodalashda qoʻllaniladigan til birliklari, asr, yil va sanalarning ogʻzaki va yozma nutqda ifodalanishiga oid mashq va topshiriqlar. Inson xarakter-xususiyatlarini ifodalashda qoʻllaniladigan soʻzlarning sinonim va antonimlarini farqlay olishga qaratilgan topshiriqlar.
Shaxs haqida ma’lumot beruvchi matn tayyorlash uchun ma’lumotlarni toʻplash va saralash, ma’lumotlar asosida shaxsning anketasini tayyorlash, matnni qismlarga ajratish va ularga sarlavha qoʻyish bilan bogʻliq mashq va topshiriqlar. Badiiy uslubdagi matnlardan inson xarakteri va xususiyatlari ta’riflangan oʻrinlarni topish, ularni salbiy va ijobiylarga ajratish mashqlari.
Berilgan matnning tuzilishini, unda qo‘llanilgan ayrim so‘z, ibora va hikmatli so‘zlar ma’nosini aniqlash bilan bog‘liq mashq va topshiriqlar.
Berilgan matn tarkibidan so‘zlarga so‘roq berish orqali sifat, ot va fe’llarni aniqlash, ularni asos va qo‘shimchalarga ajratish. Soʻz yasovchi qo‘shimchalarga oid mashq va topshiriqlar.
Matnda vergul, qoʻshtirnoq va tire tinish belgilarining qoʻllanishiga doir mashq va topshiriqlar.