Тижорат банкларининг кредит фаолиятини такомиллаштириш

Тижорат банкларининг муаммоли кредитлари
(NPL) тўғрисида МАЪЛУМОТ¹

млрд. сўмда
Йилларда	Жами ажратилган кредитлар	Муаммоли кредилар (NPL)	Муаммоли кредитларнинг жами кредитлардаги улуши
2020 йил	232 302	5 217	2,2%
2021 йил	292 029	12 933	4,4%

Кредит портфелини тўғри шакллантириш тижорат банкининг самарали ва барқарор фаолият кўрсатишининг асосий мезони ҳисобланар экан, ҳар қандай тижорат банки кредит портфелининг сифатли бўлишини таъминлашга ҳаракат қилади. Тижорат банклари кредит портфелининг сифати ва шаклланиши унинг таркибий қисмига бевосита боғлиқдир.
Кредит портфелини шакллантириш мураккаб жараён бўлиб, ўзида нафақат кредит сиёсати ва унинг стратегияси, балки назорат тизимини йўлга қўйиш жараёнларини мужассамлаштиради. Шу билан бирга, кредит портфелини шакллантириш жараёни динамик характерга эга бўлиб, доимий равишда ҳаракатдадир. Кредит портфелини шакллантириш банк томонидан кредитнинг асосий тамойилларига риоя этишни, риск даражасини инобатга олган ҳолда кредитлар сифатини белгилаш ва туркумлашни, кредитлар бўйича зарурий заҳираларни ташкил этишни ва кредит портфели сифатини яхшилаш борасида чора тадбирларни ишлаб чиқишни талаб этади.
Кредит портфелини бошқариш бу - мавжуд кредит ресурсларидан самарали фойдаланиш санъати демакдир, яъни самарали бошқарув натижасида кредит ресурслари нафақат ўзининг қийматини сақлаб қолади, балки сезиларли даражада даромад келтиради.
Кредитларнинг асосий қисмини ўзаро боғлиқ тармоқларга мансуб бўлган корхоналарда тўпланишига йўл қўйилган. Шу учун тижорат банкларининг кредит сиёсатида кредитлар иқтисодиёт тармоқлари бўйича, ҳудудлар бўйича ва муддати бўйича чегараланишини белгилаш ва халқаро банк амалиётидагидек банк кредитларининг 25 фоиздан ортиқ қисмини битта тармоқда тўпланишининг олдини олишимиз лозим деб ўйлаймиз.