Тижорат банклари фаолиятининг мазмуни ва назарий асослари

8-жадвал
АТ “Алоқабанк”нинг активлардан фойдаланиш коэффициенти³¹

Йиллар	Банк жами даромадлари (млн.сўм)	Банк жами активлари (млн.сўм)	Активлардан фойдаланиш рентабеллиги
2012	85430,8	622688,9	13,72
2013	105447	690719,6	15,27
2014	175284,1	1005833,8	17,43
2015	165470,5	1189977,1	13,91
2016	210229,7	1560543,3	13,47

Юқоридаги жадвалга кўра банкда активлардан фойдаланиш коэффициенти 5 йил давомида ўсишга эришган. Мазкур даврлар давомида банк активлари 2012 йилда 13,72 фоиз нафлик келтирган бўлса, 2014 йилга келиб банк активларидан самарали фойдаланиш натижасида фойдаланиш коэффициенти 17,43 фоиз, 2016 йилда эса 13,47 фоизни ташкил этган.

Юқорида тижорат банклари фаолиятининг рентабеллигини баҳолашнинг барча босқичларини банк мисолида таҳлил қилиб чиқилди. Банк фаолиятининг рентабеллик таҳлили, ҳар бир операциясининг рентабеллик таҳлили банкнинг қай даражада ишлаётгани, қолаверса банк қайси томонга қараб ўзгариб бораётганлигини курсатди.
Умумий олганда АТ «Алоқабанк»нинг молиявий ҳолати таҳлили натижалари шуни кўрсатдики, банк охирги 5 йил давомида асосий иқтисодий кўрсаткичлари барқарор ўсишини таъминлай олган. Хусусан, банк капитали, активлари ва фойдаси ҳамда мижозларнинг депозитлари барқарор ўсиш тенденциясига эга бўлган. Бу иқтисодий кўрсаткичларнинг ўсиши унинг барча рентабеллик коэффициентларининг барқарор ўсишига таъсир кўрсата олмаган.