Tibbiyot Oliy o'quv yurtlari uchun o'quv adabiyoti

Distrofiyalarning profilaktikasi

Profilaktika antenatal va postnatal turlarga bo’linadi.

• 
  Antenatal profilaktika oilani rejalashtirishni, ota-onalar o’rtasitda sanitariya - targ'ibot ishlari olib borish, abortga qarshi kurashish, bo'lajak onalar kasalligini, asosan jinsiy organlar patologiyasini vaqtida, homiladorlar sog'ligini saqlash (rasional ovqatlantirish, kun tartibiga rioya qilish, toza xavoda sayr qilish, yengil ishga o’tkazish (noqulay ish sharoitida), chekish va boshqa zararli odatlarni man etish).
  
• 
  Postnatal profilaktikasi bu - o'z vaqtida korreksiya qilingan tabiiy ovqatlantirish, kun tartibi va bolani to'g'ri parvarishlashga rioya qilish, to'g'ri tarbiyalash, yuqumli va interkurrent kasalliklarni oldini olish va davolash, tana vaznini har oyda tortish (1 yoshgacha) va tana uzunligini o’lchashni o'z ichiga oluvchi dispanser kuzatuvni olib borishdir.
  

Qqibati birinchi navbatda distrofiyaga olib kelgan sababni bartaraf hila olish, shuningdek yo'ldosh kasalliklarni davolay olishga bog’liq. Birlamchi alimentar va infeksion - alimentar distrofiya oqibati yaxshi tugaydi.
Marazm - maktabgacha va maktab yoshidagi bolalarda och qolish natijasida rivojlangan distrofiya bo’lib, bunda yosh standartiga nisbatan tana vazni tanqisligi 60%ni tashkil qiladi.

Marazm sababi ijtimoiy - iqtisodiy yoki kasallik tufayli och qolish, uzoq muddatli anoreksiya, qayd qilish (kuyishdan keyingi qizilongach strikturasi, kardiospazm, oshqozon boshlanish joyining stenozi). Barcha moddalar almashinuvi buziladi, bola jismoniy va ruhiy rivojlanishdan keskin orqada qoladi. Marazmning birlamchi va ikkilamchi shakllari ajratiladi, og'irlik darajasi va davri ko’rsatiladi.

Marazm klinikasiga xarakterli belgilar: teri rangi oqarishi va follikulyar giperkeratoz bilan kechuvchi quruqligi, depigmentasiya, notekis ranglanishi ("bayroq simptomi") va sochlarni to'kilishi, qarilarga xos yuz tuzilishi, qovoqlarining yalliglanishi va xeyloz, mushaklar va teri osti yog' qavatining susayishi. Ko'rik vaqtida kardiomegaliya, gepatomegaliya, gemorragik belgilar aniqlanadi. Bo’yi o'sishdan orqada qoladi, bolalar qo’zgaluvchan, yigloq, ruhiy rivojlanishdan orqada qoladi, bilish faolligi pasaygan, xotira va ish faoliyati susaygan.Tashqis kliniko-anamnestik va antropometrik ma'lumotlarga asoslanadi.

Qiyosiy tashqis ozish bilan kechadigan kasalliklar orasida o’tkaziladi: MNSning organik patologiyasi, malabsorbsiya va moddalar almashinuvining irsiy nuqsonlari va boshqalar. og'ir holatlarda marazm davosi somatik shifoxonalarda boshlanadi - parenteral ovqatlantirish va ornini bosuvchi terapiya o’tkaziladi. Unchalik og’ir bo’lmagan holatlarda ambulator davo o’tkazish mumkin: parhez, o’rindosh terapiya (vitaminlar, minerallar, ovqat fermentlari), stimullovchi davo (adaptogenlar, immunomodulyatorlar), psixoterapiya, davolash-fizkulturasi kursi. Marazmning ikkilamchi shaklida asosiy kasallikning davosi o’tkaziladi. Sosial-iqtisodiy muhitni yaxshilash, bola bilan psixologik-pedagogik ishlarni olib borish muhim profilaktik ahamiyatga ega.