Tibbiyot kasbiga kirish

Qusayotgan bemorlarga birinchi yordam ko’rsatish

Qusish – oshqozon massalarini to’satdan og’iz orqali chiqishi. Qusish uzunchoq miyada joylashgan qusish markazini buyrug’i bilan yuzaga keladi. Bu markazga impulslar oshqozondan, ichaklardan, jigar, buyrak, bachadon, vestibulyar apparatdan va oliy nerv tizimidan (masalan yoqimsiz xid sababli) kelishi mumkin. Shu qatorda qusish xar xil toksik moddalar va dorilarni qusish markaziga ta’siri natijasida yuzaga kelishi mumkin.

Ko’p xolatlarda qusishdan oldin ko’ngil aynashi, so’lak ajralishi, tez va chuqur nafas olish bilan boshlanishi mumkin.

Qusishni qayt qilishdan farqlash lozim. Qayt qilish odatda qorin mushaklari va diafragmani xarakatisiz, bu oshqozonni ovqat yoki havo bilan to’lishi sababli yuzaga keladi.

Bolalarda, ayniqsa erta yoshli bolalarda, qusish ko’p uchraydi. Bolalarda qusish ximoya funksiyalarini rivojlanmaganligi, qusuq massalarini nafas yo’llariga tushishi xavfi bilan ayniqsa xavfli.

Qusishda dastlabki yordam ko’rsatish.

1. 
   Agar bolada qusish kuzatilsa uni yolg’iz qoldirmaslik kerak.
   
2. 
   Qusuq massalarini nafas yo’llariga tushishini oldini olish maqsadida bolani yonbosh xolatida yotqizish lozim.
   
3. 
   Xar bir qusishdan so’ng bolani og’zini toza suv bilan yuvish lozim (20 grammlik shprits yoki sprinsofka yordamida) va terini qusuq massalari tushgan sohalarini yuvish kerak.
   
4. 
   Qusish sababini aniqlamaguncha bolani ovqatlantirish yoki unga dori vositalarini bermaslik kerak.