Tibbiyot instituti talabalari uchun

3. Tibbiy yordam ko’rsatishdagi xatolar.
Bu asosan tibbiy yordamni 
noto’g’ri va noaniq rejalashtirgan holda tashkil qilinishi natijasida sodir bo’ladi. 
Ayrim sog’liqni saqlash rahbariyatining kasbiy mahorati uncha yuqori 
bo’lmaganda, ba’zan qandaydir davolash-profilaktika tashkilotining faoliyatida 
noxush holatlar sodir bo’lganda shunday xatoliklarning sababchisi bo’lishi 
mumkin.
Tibbiy yordamning tashkil qilinishida yo’l qo’yilgan xatolar tufayli ayrim 
regionlarda tibbiy yordam ko’rsatishning ahvoliga salbiy ta’sir qiladi. Shunga 
qaramasdan, davolash-profilaktika tashkilotlarining vrachlari, agar tashkilot 
rahbarining aybi tufayli xatoliklar sodir bo’lganda ham o’z vazifasini sitqidildan 
bajarishi mumkin.
Tibbiy yordamni tashkil qilishdagi ayrim xatoliklarni sodir bo’lishida 
ma’lum sharoitlarning rolini ham ko’rsatish zarur. Bizga ma’lumki, davolash 
muassasasining ishi qabul bo’limidan boshlanadi. Bu erda tashkil qilingan sharoit 
o’z vaqtida tibbiy yordamni tashkil qilishni ta’minlaydi, ayniqsa urgent hollarida, 
kasalliklar, jarohatlanish va zaharlanishlarda tez yordam ko’rsatishda yaqindan 
yordam beradi. Shuning uchun qabul bo’limining ishi chuqur o’ylangan va tashkil 
641

---

qilingan bo’lishi hamda bu davolash tashkiloti rahbarining doimiy nazoratida 
turishi kerak. Qabul bo’limi xodimlari uchun qo’pollik va o’zi bo’larlik odatlari 
yot bo’lishi kerak, chunki bunday holatlar bemorga salbiy ta’sir qiladi hamda 
ushbu kasalxona va uning xodimlari haqida yomon fikrlarni tug’ilishiga sababchi 
bo’ladi. Bu o’z navbatida davolashning oqibatiga salbiy ta’sir qiladi.
Kasalxonalarda tibbiyot xodimlarining dam olish va bayram kunlaridagi 
navbatchiligi, kechki va kechasidagi navbatchiligini to’g’ri tashkil qilinmasligi 
ham xatoliklarning manbai hisoblanadi. Bundan kasalxonada davolanuvchi, 
yangidan kasalxonaga tushuvchi kasallar, ayniqsa, tez yordamga muhtoj kasallar 
jabrlanadilar.
Tibbiy yordamning tashkil qilinishida davolash muassasalarida koykalarni 
o’ylamasdan yoki noto’g’ri taqsimlanishi natijasida bir xil bo’lim kamroq, 
boshqalari esa ko’proq vazifa bilan ishlaydi. Bu o’z navbatida tibbiy yordamning 
sifatini pasaytiradi hamda tibbiyot faoliyatida xatoliklarga sababchi bo’ladi. Tibbiy 
yordamni tashkil qilishni etarlicha o’ylamasdan amalga oshirilishi davolash 
muassasasini priborlar, reaktivlar va medikamentlar bilan ta’minlashga ham ta’sir 
qiladi va bu o’z navbatida diagnostikada va davolashda kamchiliklarining 
sababchisi bo’ladi.