Tibbiyot instituti talabalari uchun

Voqea sodir bo’lgan joy va murdani ko’zdan kechirish hujjati.
Bunga 
voqea sodir bo’lgan joyni kuzatish bayoni deyiladi.
Bayon odatda tergovchi tomonidan 2 nusxada tuziladi. Ko’zdan kechirish 
qanday yo’nalishda olib borilgan bo’lsa, shunday holatda yoziladi. Bayonda har xil 
453

---

kishilarning bo’lgan voqea to’g’risidagi ma’lumotlari, tushuntirishlari yoki 
ko’rsatmalari, shuningdek ko’zdan kechiruv qatnashchilarining taklif va xulosalari 
ko’rsatilmaydi.
15.5.3. O’limning ayrim turlarida murdani ko’zdan kechirishning o’ziga xos 
xususiyatlari
Voqea sodir bo’lgan joyda topilgan murdani ko’zdan kechirishda sud 
tibbiyoti sohasidagi mutaxassis vrach o’limning alohida turlarining o’ziga xos 
xususiyatlariga tergovchining e’tiborini qaratadi. Biroq qator savollarni echishga 
to’g’ri keladi.
O’tmas va o’tkir vositalar bilan jarohatlanishda
tergovchining e’tiborini 
tanasida bo’lgan jarohatlanishlarni xarakterini kiyimidagi jarohatlanishlarga to’g’ri 
kelishi, jarohatlovchi asbobga taxmin qilinishi haqidagi fikrlarni aytish, 
jinoyatchining o’zida va jarohatlovchi predmetda har xil qoplamalar va qon 
dog’larining bo’lishi mumkinligi hamda yaraning joylashuvi, o’ziga xos 
xususiyatlarini hisobga olish muhim ahamiyatga egadir. Voqea sodir bo’lgan 
joydagi qon izlariga qarab jabrlanuvchining jarohatlanish paytida va uning 
harakatlanayotgan vaqtida qaerda bo’lganligini aniqlash imkoniyati tug’iladi.
Balandlikdan yiqilishda
tushib ketgan joyning asosidan to murdagacha 
bo’lgan masofa o’lchanishi zarur. Bundan tashqari, murda yotgan joyning 
yuzasiga, boshqa xarakterdagi jarohatlanishlarga (sanchilgan, kesilgan yaralar, o’q 
otar qurollaridan etkazilgan yaralar), tanasi va kiyimlaridagi kurashish izlariga 
(agar ular bo’lsa), yiqilishga shubha qilingan ob’ektlarda qon izlari borligiga 
ahamiyat beriladi.