Тиббий биология ва генетика Тиббиёт олийгохи талабалари учун дарслик

1.Гидроидлар синфи (Hydroidea) содда тузилган полиплар ва медузаларни ўз ичига олади. Типик вакили чучук сув гидрасидир.
2. Сцифоидлар синфи (Scyphozoa) йирик медузаларнинг кўпгина турларини бирлаштиради. Типик вакили медуза аурелия.
3. Маржон полиплари синфи (Anthozoa) — якка ва колония ҳосил қилиб яшайдиган шаклларни ўз ичига олади. Якка бўлиб яшайдиган маржон полиплардан актиния кенг тарқалган, колония ҳосил қилиб яшайдиган шакллардан эса тошсимон ёки мадрепор маржон полиплари диққатга сазовор.
4. Тароқлилар синфи (Ctenophora). Ковакичлилар ичида энг мураккаб тана тузилишига эга синфдир. Буларда бир қанча прогрессив белгилар бор: 1) экто ва эндотерма ўртасида учинчи эмбрион қатлам-мезодерма куртаги вужудга келади; 2)танасида билатерал симметрия элементлари ҳосил бўлади. Масалан, целоплан деган тароқлининг танасида вентрал (қорин) томони ва орқа (дорсал) томони бўлади. Юқорида кўриб ўтганлардан ҳулоса қилганда, ҳайвонлар юқори даражали кўп ҳужайралиларнинг аждоди эканига шубҳа қолмайди.
ЧУВАЛЧАНГЛАР ГУРУҲИ (VERMES)

Чувалчанглар ҳақиқий органлар системасига эга бўлган дастлабки кўп ҳужайрали ҳайвонлардир. Улар уч қаватли, бирламчи oғизлилар бўлиб, танаси билатерал симметрияга эга. Чувалчанглар бундан 500 млн. йил олдин кембрий давригача бўлган даврда ковакичлилардан пайдо бўлган. Лекин қандай йўл билан ривожланганлиги тўғрисида палеонтологмк далиллар йўқлиги туфайли ҳозирча аниқланмаган. Чувалчанглар ҳайвонот дунёси шажара дарахтининг гўё бир тугунидир. Булардан анчагина мураккаб тузилган бир қанча ҳайвонлар; бўғимоёклилар, юмшоқ танлилар келиб чиққан.

Чувалчангларнинг талайгина турлари одам ва ҳайвонлар ичагида ҳамда ички органларида паразит ҳолида яшайди ва кўпинча оғир касалликларга сабабчи бўлади. Барча чувалчанглар гуруҳи учта типга бўлинади:.
1. Ясси чувалчанглар – Plathelminthes
2. Юмалоқ чувалчанглар – Nemathelminthes
3. Ҳалқали чувалчанглар – Annelides


ГЕЛЬМИНТЛАР - ПАРАЗИТ ЧУВАЛЧАНГЛАР.