Тиббиёт олий таълимгохи талабалари учун дарслик

Буйрак артериографияси.
1929 йили буйрак ангиографияси усули таклиф килиниб, айникса охирги йилларда кенг кулланилмокда. Корин аортографиясида иккала буйрак аретериясининг тасвири куринади. Аортага рентгеноконтракт модданинг юборилишига караб аортографияни транслюмбал ва трансфеморал хиллари ажратилади. Хозирги вактларда купинча охирги усули кулланилмокда. 1953 йили трансфеморал аортография усули таклиф килинган.
Текшириш усули, пупартов пайининг 1-2 см пастрогида махсус игна билан сон артериясини пункция килиб, игна оркали металл утказгич юборилиб, у оркали эса катетерни буйрак артериясининг аортадан таркалиш жойигача юборилишига асосланган (1 бел умурткасининг уртасигача).
Буйрак артериографияси куйидагиларда зарур булади: тотал гематурияни бошка усуллар билан сабабини аниклаш мумкин булмаганда; буйрак усмасига шубха булиб ва киста билан ажратиш ташхисига зарурат булганда; гидронефрозда буйрак паренхимасининг сакланиб колган кисмини аниклашда; кушимча кон томири булиб, уни резекция килиш мумкин булганда; буйрак сили ва бошка касалликлар эхтимоли булган резекциянинг хажмини аниклашда; вазореналь артериаль гипертензияга шубха булиб ва буйрак артерияларининг зарарланиш хусусиятини аниклаш зарурати булганда; буйрак усти бези ёки корин пардаси оркасидагиораликда усмага шабха булганда; буйрак йук деб аталганда, качонки бошка усуллар етарли даражада информация бермаганда, яна операциядан олдин, буйрак артериясини босиб, унинг таркалган кон томири йуклигини хамда нефротомиянинг килинадиган жойи ва хилини аниклаш зарурати булса, артериография килиш максадга мувофикдир.
Буйрак артериографиясига аорта ва сон артериясининг яккол куриниб турган атеросклерози, тиреотоксикоз, огир буйрак етишмовчилиги, йол моддаларига юкори даражада сезгирлик, упканинг фаол сил касали ва юрак-кон томир етишмочилигининг декомпенсациялари тускинлик килади.
Буйрак артериографияси рентгеноконтраст модданинг турт давр циркуляциясини ва унинг экскрециясини аниклайди (21 –расм). Биринчи даври –артериограмма (буйрак артериялари ва унинг шохлари контрасттирилган), иикинчи даври-нефрограмма (буйрак паренхимасининг рентгеноконтраст моддаси билан туйиниб турган тулик куланкаси), учинчи даври-венограмма (катта буйрак веналари контрастланган, буйрак веналари босими кутарилганда, айникса аник булиб куринади), туртинчи давр- экскретор урограмма.
21-расм. Буйрак артериограммалари. Одатдаги куриниш.
А-артерия даври, Б-нефрограмма даври, В-вена даври, Г- экскретор даври.
Буйракнинг патологик харакатчанлигин аниклаш учун буйрак артериографиясини бемор тик турган ва ёткизилган холатларда бажарилади.
Кейинги йилларда клиник амалиётга селектив буйрак артериографияси тадбик этилган, бунда махсус катетернинг эгилган томони билан текширилаётган буйрак артериясига юборилади. Шундай усул билан оз микдордаги рентгеноконтраст модда ёрдамида анча аникрок булган буйракнинг кон томир архитектоникаси тасвирини олишга муяссар буламиз (22-расм).
22-расм. Селектив буйрак артериограммаси. Одатдаги куриниш.
Фармакоангиографияда артериал зонди оркали 2 мл 0,001 % адреналин суюклиги, 8 мл натрий хлориднинг изотоник суюклиги билан юборилади, ундан сунг 14-16 секунддан кейин текширишнинг максадига караб 20 мл рентгеноконтраст модда юбориб, буйракнинг артерио ёки венографияси бажарилади. Адреналин таъсирида узгармаган артерия кон томирлари кискариб, рентгеноконтраст моддаси билан тулмайди. Шунинг учун артериограмма усмадаги адреналин таъсир килмаган кон томирлари куринади. Буйрак артерия окимининг озайиши, унинг веноз системасидаги босимни пасайтириб, венография вактида рентгеноконтраст модданинг яхши тупланишига имкон беради.
Трансфеморал буйрак артериографияси купинча ёш болалар ва гудакларни текширишда ишлатилади.Ёш болаларда текшириш техникаси худди катталарникига ухшайди, лекин ёш болларда текшириш факат наркоз оркали килинади. Баъзи холатларда кон томир катетери киндик артерияси оркали юборилади.