ЗАМОНАВИЙ УЗЛУКСИЗ ТАЪЛИМ СИФАТИНИ ОШИРИШ: ИННОВАЦИЯ ВА ИСТИҚБОЛЛАР
339
ХАЛҚАРО МИҚЁСИДАГИ ИЛМИЙ-АМАЛИЙ КОНФЕРЕНЦИЯ МАТЕРИАЛЛАРИ
фикрлари билан ўртоқлашадилар, камчиликларнинг объектив сабаблари рўйи рост очиб
бериладики, бунда талабаларнинг овоза, миш-мишларга ишонишлари ва қулоқ
солишларининг олди олинади. Бундан ташқари, клуб талабалар учун нафақат ғоявий-сиёсий
тарбия мактаби вазифасини ўтайди, балки талаба-ёшларнинг ижтимоий-сиёсий фаоллигини
ошириш билан биргаликда, уларнинг ичидан нотиқлар, сиёсатчилар, шарҳловчилар танлаб
олиш ва кейинчалик тайёрлаш, шунингдек, талабаларнинг илғор, ёшлар ижтимоий ҳаётини
ривожлантиришга оид янги фикрларини танлаб олиш ва таълим муассасаси ҳаётига жорий
этиш имконияти яратилади.
Бундан ташқари малакали сиёсатшунос, файласуф, нотиқлар томонидан махсус
режалар асосида «Ёш мафкурачи», «Ҳуқуқшунос» клубларини бошқариш ҳам ижобий
натижалар беради. Клублар фаолияти ҳам анъанавий бошқаришдан фарқ қилиб, унда
талабалар ичидан қобилиятлилари сиёсатшунос – нотиқ, мафкурачи – нотиқлар сифатида
тайёрлаб борилади. Клублар аъзолари иккинчи курсдан бошлаб мустақил равишда
талабалар турар-жойларида, ўрта мактаб ўқувчилари, маҳалла фуқаролари орасида долзарб
маърузалари билан чиқа оладилар.
Хулоса қиладиган бўлсак, Ўзбекистонда талаба-ёшларнинг ижтимоий фаоллигини
ошириш учун уларнинг сиёсий ва ҳуқуқий саводхонлигини ошириш лозим.
Ҳар бир олий таълим муассасасининг тасарруфидаги академик лицей бор. Шуни
инобатга олган ҳолда тарбиянинг энг асосий қисмини ана шу жойдан, яъни академик
лицейдан бошлашга алоҳида эътибор қаратиш даркор.
Олий таълим муассасасини тамомлаган битирувчи қайсидир ташкилот ёки корхонага
боради. Борган жойида унинг билими билан биргаликда ўзини тутиши, маънавияти,
маданияти ва дунёқараши ишга қабул қилиниши учун муҳим мезон бўлиши лозим. Агар ҳар
қандай ташкилот, корхона ёки муассасага ишга қабул қилишда битирувчининг маънавияти,
маданияти юзасидан суҳбат ва сўровномалар ўтказиб, талабга жавоб бермаганига синов
муддати берилишини жорий этилса, бу ҳам ёшларда масъулият ҳиссининг кучайтиришга
ёрдам берган бўлар эди.
Олий таълим муассасаларида талабалар билан ўтказиладиган тадбирлар ҳали ҳам
янгича усулларга ўта олгани йўқ. Бу борадаги камчиликларни бартараф қилиш учун
талабаларнинг ўзини ўзи бошқариш тизимини қайта ишлаб чиқиб, уларни қўллаб-қувватлаш
механизмини замонавийлаштириш керак.
Олий таълим муассасаларидаги маънавий-ахлоқий тарбия ишлари бўйича
индикаторларни ишлаб чиқиш керак. Бунда олий таълим муассасасида олиб борилиши лозим
бўлган маънавий-ахлоқий ва сиёсий-мафкуравий йўналишдаги ишлар тартиби ва бу
йўналишда битирувчига қўйиладиган талабларни қайта ишлаб чиқиш кабилар
режалаштирилади.
Ҳозирги мураккаб ва таҳликали замонда миллий ўзлигимиз, азалий қадриятларимизга
ёт ва бегона бўлган турли хил хуружлар, ёшларимизнинг онги ва қалбини эгаллашга
қаратилган ғаразли интилишлар кучайиб боришига йўл қўймаслик учун барча имонли
инсонлар янада ҳушёр ва огоҳ бўлишлари – замон талаби, ёш авлодни баркамол этиб
тарбиялаш кафолати ҳамдир, деб ҳисоблаймиз. Демак, “ёшларимизни миллий ва
умумбашарий қадриятлар руҳида тарбиялаш учун бор куч ва имкониятларимизни сафарбар
этишимиз зарур”
1,349-Б
. Бунда эса олий таълим муассасаларида фаолият олиб бораётган
педагогларнинг ақл-заковатига, билим ва тажрибасига таянамиз.
Фойдаланилган адабиётлар:
1.
Мирзиёев Ш. Миллий тараққиёт йўлимизни қатъият билан давом эттириб, янги
босқичга кўтарамиз. 1 жилд. – Т.: Ўзбекистон, 2019. – 349-б
2.
Бобоев Х. ва бошқалар. Миллий истиқлол мафкураси ва тараққиёт. – Т, 2001. – Б.3
Do'stlaringiz bilan baham: |