The Modern English period By: Samadova Sadoqat

Asarning asosiy g’oyasi va maqsadi

Asarning asosiy g’oyasi va maqsadi

Yozuvchi «Tom tog‘aning kulbasi» romanida qulchilikning jirkanch qiyofasini ayovsiz fosh qilib tashlaydi. Asarning butun-butun boblari negrlarning chidab bo‘lmas darajadagi fojiali hayotini, shafqatsiz oila dramasini ko‘rsatishga bag‘ishlangan. Asar qullikni qattiq qoralaydi va u Аmerika adabiyotida o‘z janridagi eng yaxshi romanlardan biri hisoblanadi. Qullarning kundalik hayotlaridagi lavhalar o‘quvchida chuqur hissiyotlarni uyg‘otadi. Kitob Аmerika shimolida qullikka qarshi jangari kayfiyatlarining kristallanishiga hissa qo‘shgan va shu bilan fuqarolar urushi boshlanishini tezlashtirib yuborgan edi. Asar tufayli Аmerika aholisining katta qismi “quldorlik instituti”ga xos bo‘lgan azob-uqubatlar, bolalarni ota-onalardan ajratish, ularni hayvon kabi sotish va ularga nisbatan zo‘ravonliklar haqida tushunchalarga ega bo‘ldi. Bu roman chop etilgandan keyin Аmerikada asrlar davomida uxlagan vijdonlarning uyg‘onishi boshlandi.

Asar sarlavhasi haqida fikr.

“Tom tog’a” atamasi haddan tashqari itoatkor odam uchun kamsituvchi epitet sifatida ishlatiladi, ayniqsa u o'zining irqiga ko'ra o'zini quyi sinf vakili db sezadi. Asar sarlavhasida bu yaqqol namoyon bo’lgan. Va muallif asarni shu qahramon nomi bilan sarlavhalagan.

Asardagi milliy kalorit

Ushbu asar qahramonlarida biz insoniylik, vijdon, e’tiqod, sabr, sadoqat, o’ziga ishonch kabi fazilatlarni ko’rishimiz mumkin. Shunday fazilatlarni o’zida mujassamlashtirgan Tom, o’zi yashayotgan muhitga, atrofida sodir bo’layotgan razilliklarga qaramasdan o’zida o’zligini saqlab qolish uchun kuch topa oladi. Hayoti davomida boshidan kechirgan barcha azoblarga qaramasdan, barcha xo’rliklarga sabr–bardosh bilan chidaydi va boshqa safdoshlarini ham shunga chorlaydi. Asar muallifi Tom tog’a obrazini bunday xislatlarni o’zida mujassamlashtirgan holda tasvirlashing asosiy sababi, qora tanli boshqa qullarda ham ruhiy barkamollikni tarbiyalash edi. Abolitsionizm g’oyasi yorqin misollar, real faktlar zamirida ilgari surilgan ushbu asar jahon adabiyoti durdonalari qatoridan joy olgani bejiz emas.