The economy of enterprise

 
Qisqacha xulosalar 
 
Korxona sirlari va xavfsizligi bir qarashda oddiy tushunchalar bo’lib, ularning 
mazmuni  mutaxassis  bo’lmaganlarga  ham  tushunarlidir.  Biroq  amaliyotda  korxona, 
shuningdek,  turli  xo’jalik  sub’ektlarining  tijorat  sirlari  va  xavfsizligini  ta’minlash 
etarlicha murakkab faoliyat sohasi hisoblanadi. 
Korxona  xavfsizligiga  ichki  ishlab  chiqarish  muhitidan  tashqari  tashqi  muhit 
ham  ba’zida  bevosita,  ba’zida  esa  bilvosita  ta’sir  ko’rsatadi.  Ichki  va  tashqi 
muhitlarning  ishlab  chiqarish  faoliyatiga  salbiy  ta’sirini  bartaraf  qilish  har  bir 
korxona oldida turgan muhim vazifa hisoblanadi. 
Tijorat  sirlari  korxona  faoliyati  to’g’risidagi  ma’lumotlar  bo’lib,  ularning 
chetga chiqib ketishi yoki begona shaxslarga tarqatilishi korxona manfaatlariga zarar 
etkazishi  mumkin.  Shu  sababli  tijorat  sirlariga  korxona  tomonidan  amal  qilinibgina 
qolmay, unga rioya etish shartlari qonunchilik tomonidan belgilab ham qo’yilgan.