Тўғри диагноз қўйишда энг муҳим текширув усулларидан бири. А

90-722-53-61
Анамнез (юн. анамнесис – хоти-ра) – беморнинг ўзидан ёки уни билади-ган кишилардан шу беморнинг ҳаёт ша-роити ва касаллик тарихи ҳақида сўраб тўпланадиган маълумотлар. Анамнез тўғри диагноз қўйишда энг муҳим текширув усулларидан бири. Анамнезга беморнинг шикояти, касалликнинг бошланиши ва кейинги кечиш даври, илгари қандай ка-салликлар билан оғриганлиги, оилавий ша-роити, зарарли одатлари (чекиш, спиртли ичимликлар ичиш), турмуш, меҳнат тарзи, авлодларнинг соғ ёки носоғлиги ва ҳоказо киради. Маълумотларнинг янглиш берилиши касалликка диагноз қўйишни мушкуллаштиради ва нотўғри даволашга сабаб бўлади.
Касаллик тарихи - даволашпрофилактика муассасаларида ҳар бир беморга тутиладиган асосий тиббий ҳужжат. Бемордаги касалликни аниқлаш ва даво учун зарур маълумотлар, беморни кузатиш даврида унинг аҳволида рўй берган ўзгаришлар, беморга тавсия этилган маслаҳатлар қайд этилади.
Хотима (эпикриз) да касаллик ташҳиси ва қилинган даво асослаб берилади. Бемор ўлган тақдирда Касаллик тарихи га патологоанатомик текшириш баённомаси илова қилинади. Зарур ҳолларда касаллик тарихи суд-тиббиёт терговини олиб бориш учун муҳим манба вазифасини ўтайди. Туғруқхоналарда Касаллик тарихи туғилиш тарихи дейилади. Амбулатория ва соғлиқни саклаш пунктларида амбулатория картаси тутилиб, у ёзувларининнг анча қисқалиги билан Касаллик тарихидан фарқ қилади.