Texnologiyalari

O‘QUV-METODIK QO‘LLANMA
Aziz  ustozlar!  Mazkur  qо‘llanma  8-sinf  “Informatika  va  axborot  texnologiyalari”  darsligi  asosida 
tayyorlandi va о‘qituvchilar uchun metodik yordam sifatida tavsiya etiladi.
О‘zbekiston Respublikasi Prezidentining 2019 yil 29 apreldagi PF-5712-son Farmoni asosida qabul 
qilingan  “О‘zbekiston  Respublikasi  Xalq  ta’limi  tizimini  2030-yilgacha  rivojlantirish  konsepsiyasi” 
asosida qator reja va loyihalar ishlab chiqildi. 
KIRISH
Yangi avlod darsliklar majmuasining yaratilishi о‘quvchilarning mustaqil bilim olishini 
yo‘lga  qo‘yishga  hamda  о‘qituvchilarga  metodik  yordam  berishga  qaratilgan  bо‘lib, 
o‘qituvchilarga:
1) an’anaviy (klassik);
2) onllayn;
3) aralash (blended learning) ta’lim berish shakllarini taqdim etadi. 
Bugungi  ta’lim  tizimi  eski  mazmundagi  о‘quv  dasturlaridan  voz  kechib,  innovatsion  raqamli 
iqtisodiyot va axborotli jamiyat uchun kadrlar tayyorlash imkoniyatini beradigan о‘qitish tizimiga 
о‘tmoqda. Shunga mos ravishda, ta’lim berishga yondashuvlar ham о‘zgarib, internet va axborot 
texnologiyalari  imkoniyatlari  tufayli  о‘qituvchilar  oddiy  bilim  beruvchidan,  asosiy  tashkilotchiga 
aylanmoqdalar. 
Ayrim о‘qituvchilar uchun bunday о‘zgarish oson kechmaydi. Bunday davrda raqobatbardoshlik, 
hamkorlik  munosabatlarini  о‘rnata  olish  qobiliyati  zarur  bо‘lganligi  sababli,  о‘quv  dasturlari 
mazmuni tanqidiy fikrlash, kommunikativlik, ijodiy yaratuvchanlik va hamkorlik kо‘nikmalarini, ya’ni 
kompetensiyalarni rivojlantirishga qaratilgan bо‘lishi lozim.
Mazkur metodik qо‘llanmada о‘quvchilarda XXI asr kо‘nikmalari, ya’ni bilim olish ehtiyojini, asosiy 
о‘quv-ilmiy va umummadaniy kompetensiyalarni, milliy va umumbashariy qadriyatlarga asoslangan 
ma’naviy-axloqiy fazilatlarni, mehnat kо‘nikmalari, tanqidiy va ijodiy fikrlash, kasb tanlashga ongli 
munosabatda  bо‘lishga  о‘rgatish  imkonini  beruvchi  ba’zi  zamonaviy  texnologiyalar  va  о‘qitish 
metodlarini keltirmoqdamiz. 
Ta’kidlash joizki, har qanday pedagogik texnologiya va metodlarning samaradorligi uni qо‘llayotgan 
о‘qituvchining ijodiy va kasbiy mahoratiga bog‘liq. 
Xususan,  umumiy  о‘rta  ta’lim  muassasalari  uchun  yangi  avlod  darsliklarini  yaratish  va  bunday 
darsliklarni jahon standartlariga moslashtirish konsepsiyalari ishlab chiqildi. Konsepsiya asosida 
“Informatika va axborot texnologiyalari” fanini о‘qitishning quyidagi yangi asosiy vazifalari belgilab 
berildi:
–  “Informatika  va  axborot  texnologiyalari”  fanini  о‘qitishning  zamonaviy  shakl,  metod  va 
texnologiyalarini qо‘llash;
– о‘quvchilar masofadan turib yangi bilimlarni egallashi, doimiy ravishda о‘z ustida ishlashi uchun 
tizim yaratish va uni yo‘lga qo‘yich; 
– 
ta’lim jarayonida tayanch bilim, kо‘nikma, malaka va kompetensiyalarni doimiy nazorat qilib 
turish, o‘quvchilar qobiliyatiga qarab kasbiy yо‘naltirish ishlarini olib borish.

---

5
8-SINF DARSLIGI BO‘YICHA