“texnologiya va uni o’qitish metodikasi” fanidan

I BOB. BOSHLANGʻICH SINFLARDA TEXNOLOGIYa VA UNI 
OʻQITISH MEODIKASI FANINING NAZARIY MASALALARI 
 
“TEXNOLOGIYA VA UNI OʻQITISH METODIKASI” FANIDAN 
TAʼLIM TEXNOLOGIYASINING KONTSEPTUAL ASOSLARI 
Texnologiya va uni oʻqitish metodikasi fani boʻyicha dastur Respublika Oliy 
va oʻrta maxsus taʼlim Vazirligi tomonidan tasdiqlangan boʻlib, fanni oʻzlashtirish 
jarayonida talabalarni boshlangʻich sinf oʻquvchilariga texnologiya fanini darslari 
oʻtish sirlarini xar tomonlama bilishga oʻrgatishdir. Mazkur fan hozirgi kunda 
Boshlangʻich taʼlim va sport-tarbiyaviy ish yoʻnalishida taʼlim olayotgan 
talabalarni kasbga tayyorlashda muhim ahamiyatga ega. Pedagogik texnologiyalar, 
axborot texnologiyalari yutuqlari asosida va Kadrlar tayyorlash milliy dasturi 
hamda Taʼlim toʻgʻrisidagi Qonun talablarini bajarish maqsadida boʻlajak 
boshlangʻich sinf oʻqituvchilarining texnologiya fanini taʼlimidan tayyorgarlik 
darajasiga erishish eng muhim vazifalardan biridir. SHuning uchun boshlangʻich 
sinf oʻqituvchisi shaxsiga tarbiyaviy tasir koʻrsatishning ijobiy omillari sifatida 
yangilanayotgan taʼlim tizimidagi barcha oʻquv-tarbiya muassasalarida uslubiy 
fanlarning oʻqitilish dasturlariga alohida eʼtibor berilmoqda.
Metodika fanlarini oʻqitish ishlarida jumladan texnologiya oʻqitish 
metodikasi kursini oʻqitishni qaytadan koʻrib chiqib, hozirgi kun talabiga 
moslashtirish zarurati vujudga keldi. Bu ishlar boʻlgʻusi boshlangʻich sinf 
oʻqituvchilari tayyorlash ishini takomillashtirishda, talabalarni oʻqituvchilik 
kasbiga tayyorlashda muhim boʻlgan bilim, koʻnikma va malakalarni hosil qilishda 
zarur boʻlgan oʻquv-tarbiya ishlarini tashkil qilishda katta yordam berishi lozim.
Texnologiya oʻqitish metodikasi kursi maʼlum darajada maʼruza, amaliy, 
seminar mashgʻulotlari mustaqil taʼlim va pedagogik amaliyot orqali amalga 
oshiriladi.
Maʼruzalar texnologiya oʻqitish metodikasi fanining asosiy ilmiy izlanishlari 
natijalariga tayangan xolda, ilgʻor oʻqituvchilarning ish tajribalari bilan boyitilgan 

---

8 
materiallar asosida bayon qilinadi. Amaliy-seminar mashgʻulotlari hamda mustaqil 
taʼlim jarayonlarida esa talabalar turli-tuman metodik manbalarni oʻrganish. 
Metodik adabiyotlarga ijodiy yondashib, ulardan oʻqitish ishlarini tashkil qilishda, 
ilmiy izlanishlar olib borishda, dars ishlanmalari tuzish, turli metodik 
qoʻllanmalarga oid maʼruzalar yozish, egallagan bilimlari asosida boshlangʻich 
sinfda darslarni tashkil qilish va oʻtkazish uchun zaruriy koʻnikmalarni 
egallaydilar. Dars uchun ishlanmalar tuzish va tahlil qilish hamda didaktik 
koʻrgazmalar yasash bilan shugʻullanadilar.
Barcha maʼruza va boshqa turdagi mashgʻulotlarda turli oʻquv koʻrgazmali 
qurollari va texnika vositalari hamda axborot texnologiyalari yutuqlaridan keng 
foydalaniladi.