Texnologiya umumiy o‘rta ta’lim maktablarining 5-sinfi uchun darslik

arduino – 1.7.10 
dasturi 
setup.exe
faylini ishga tushirib, drayverni o‘rnatib olasiz.
4. Kompyuteringiz ekranida hosil bo‘lgan 
arduino
dasturi oynasi bo‘yicha 
ko‘rsatilgan ketma-ketlikda ishlarni bajaring. 
Eslatma.
Qо‘shimcha ma’lumotlar olish uchun https://www.instructables.com/id/
Otto-Build-You-Own-Robot-in-Two-Hours/ saytidan foydalanishingiz mumkin.
11
Robotni USB kabeli 
orqali dastur yozish uchun 
kompyuterga ulash
kompyuter
1-qadam
Arduino dasturi oynasi

---

227
227
Otto roboti qismlarini yig‘ib va dasturlab bo‘lgach, ishlashi tekshirib ko‘riladi va 
sinovdan o‘tkaziladi. 
Robot imkoniyatlaridan kelib chiqqan holda musobaqa tashkil qilinadi.
2-qadam
Arduino dasturi oynasida joylashgan menyular qatoridan
Инструменты – Порт – COMni belgilab olasiz.
3-qadam
Arduino dasturi oynasida joylashgan menyular qatoridan
Инструменты – Плата – Arduino Nanoni belgilab olasiz.

---

228
228
10-§.
OILA IQTISODIYOTINING INSON 
HAYOTIDAGI O‘RNI
Siz zamonaviy texnika va texnologiyalar, turli yog‘och, metall va kompozit ma-
te riallarga ishlov berish, harakatlanuvchi oddiy mexanizmlardan foydalanib, turli 
buyumlar yasash usullarini o‘rganib oldingiz. Albatta, o‘rgangan bu bilimlar Sizga oila 
ishlariga yordam qilish va oila daromadiga o‘z hissangizni qo‘shishingizda poydevor 
vazifasini bajaradi. 
Buyuk ma’rifatparvar, iste’dodli shoir, mashhur tarbiyachi bobomiz Abdulla 
Avloniy o‘zining “Turkiy guliston yoxud axloq” asarida: “Iqtisod deb pul va mol 
kabi ne’matlarning qadrini bilmakni aytilur. Mol qadrini biluvchi kishilar o‘rinsiz 
yerga bir tiyin sarf qilmas, o‘rni kelganda so‘mni ayamas. Saxovatning ziddi baxillik 
bo‘lgani kabi iqtisodning ziddi isrofdir” degan.
Iqtisodiy bilimlarni egallash faqat tadbirkorlik yoki biznes sohalari bilan 
shug‘ullanayotganlarga tegishli emas, balki har bir fuqaro bilishi zarur va shart 
hisoblanadi. Zero, egallangan bilim hech qachon keraksiz og‘ir tosh bo‘lmagan, 
bo‘lmaydi ham.
Iqtisodiyot – yunoncha 
“ekonomikos”
so‘zidan olingan bo‘lib, “uy xo‘jaligini 
yuritish san’ati” degan ma’noni bildiradi.
Har bir inson hayotida oila iqtisodiyoti muhim ahamiyatga ega hisoblanadi. Oila 
iqtisodiyotida oila budjeti degan tushuncha mavjud bo‘lib, u oila rivojlanishida asosiy 
o‘rinni egallaydi.