Texnologik ta'lim yo'nalishi fanidan

4.-rasm. IE-5701B elektr randa:
Xulosa
O’zbekistonda jahon hamjamiyati tomonidan e’tirof etilgan va islohotlarning aniq maqsadga yo’naltirilgan tarzda amalga oshirilayotgani tufayli iqtisodiy barqarorlik va yuqori o’sish sur’atlari saqlanib qolmoqda. Yurtimizda kichik biznes va xususiy tadbirkorlikni rivojlantirish uchun yaratilayotgan qulay sharoitlar va tobora kengayib borayotgan xalq xo’jaligi tarmoqlarida malakali mutaxassislarga ehtiyoj ortib bormoqda. Shuning uchun ham O’zbekiston Mamlakatimiz shakllanayotgan jahon global axborot jamiyatida munosib o’rinni egallashga intilmoqda [29]. Ushbu maqsadlarga erishish uchun O’zbekistonda axborotlashtirish jarayonlarini tezlashtirish, zamonaviy axborot-kommunikatsiya texnologiyalarini tez sur’atlarda rivojlantirish, ularni jamiyatning barcha sohalari qatori ta’lim tizimiga joriy etish hamda undan foydalanish masalasiga alohida e’tibor bilan qaralmoqda. Bunday sharoitda umumta’lim maktablarida an’anaviy dars berish usullaridan foydalanish orqali o’quvchilarning ehtiyojlarini qondirish, fan asoslari bo’yicha zamonaviy bilimlarni berish imkoniyati cheklangan. Mamlakatimiz iqtisodiyotidagi izchil va barqaror o’sish sur’atlari yangi-yangi ishlab chiqarish tarmoqlarining zamonaviy tarzda shakllanishiga, qo’shma korxonalarning ochilishiga olib kelmoqda. Tabiiyki, ulardagi ishlab chiqarishni zamonaviy va kompyuter texnikasi bilan boshqariladigan vositalarsiz tasavvur etib bo’lmaydi. Xozirgi zamon ishlab chiqarish vositalari printsip jihatidan avvalgilaridan farq qilishi xalq xo’jaligiga kirib kelayotgan yosh mutaxassislarga qo’yiladigan talablarni kuchaytirmoqda. Bu esa umumta’lim maktablarida o’qitiladigan fanlarda, xususan, mehnat ta’limi fanini o’qitishga batamom yangicha yondoshishni taqozo etadi.