Texnogen xususiyatli favqulodda vaziyatlarnining oldini olish va oqibatlarini bartaraf etish

I.4 Energetika va kommunal tizimlardagi avariyalar.

sanoat va qishloq xo‘jaligi mas’ul iste’molchilarining avariya tufayli enyergiya ta’minotisiz qolishiga hamda aholi hayot faoliyatining buzilishiga olib kelgan GES, GRES, TESlardagi, tuman issiqlik markazlaridagi, elektr tarmoqlaridagi, bug‘qozon qurilmalaridagi, kompressor va gaz taqsimlash shoxobchalaridagi va boshqa enyergiya ta’minoti obyektlaridagi avariyalar va yong‘inlar;

aholi hayot faoliyatining buzilishiga va salomatligiga xavf tug‘ilishiga olib kelgan gaz quvurlaridagi, suv chiqarish inshootlaridagi, suv quvurlaridagi, kanalizatsiya va boshqa kommunal ob’ektlardagi avariyalar;
atmosfyera, tuproq, yer osti va yer usti suvlarining odamlar salomatligiga xavf tug‘diruvchi darajada konsentratsiyadagi zararli moddalar bilan ifloslanishiga sabab bo‘lgan gaz tozalash qurilmalaridagi, biologik va boshqa tozalash inshootlaridagi avariyalar.




I.5 binolar konstruksiyalarining to‘satdan buzilishi .
Odamlar o‘limi bilan bog‘liq bo‘lgan va zudlik bilan avariya-qutqaruv ishlari o‘tkazilishini hamda zarar ko‘rganlarga shoshilinch tibbiy yordam ko‘rsatilishini talab qiladigan maktablar, kasalxonalar, kinoteatrlar va boshqa ijtimoiy yo‘nalishdagi ob’ektlar, shuningdek uy-joy sektori binolari konstruksiyalarining to‘satdan buzilishi, yong‘inlar, gaz portlashi va boshqa hodisalar.
Turli tabiiy, texnogen va muhit omillari bilan birgalikda bino-inshootlardan noto’g’ri foydalanish ham bino va inshootlarni avariya holatiga olib kelishi mumkin. ulardan biri yoki barchasining bino-inshootga doimiy yoki muvaqqat ta’siri natijasida konstruksiyalarning zo’riqib ishlashishi, buning natijasida esa konstruksiyada buzilish yuzaga kelishi mumkin. har bir asosiy konstruksiya konkret ish bajarishini va boshqa konstruksiyalar bilan uzviy bog’liqlikda bo’lishini inobatga olsak, uning buzilishi esa o’zaro bo’g’liqlikda bo’lgan boshqa konstruksiyalarda yukning ortib ketishiga olib keladi. bu esa o’z navbatida bino yoki uning bir qismida avariya holatini yuzaga keltiradi. bundan tashqari binoning ekspluatatsiyaviy xususiyatlarniing pasayishiga uning loyihalashdagi, sifatsiz qurilish ishlari va konstruksiya elementlari ishlab chiqarishdagi xatolar ham sabab bo’ladi.

Diqqat qiling
2013-yilda hindistonning mumbay shahri yaqinidagi tane shahrida ko’p qavatli bino qulab tushadi. rasmiy ma’lumotlarga ko’ra ushbu bino qurilishi bitmagan moslashuv bosqichidan o’tmagan va binoning 4 qavatida odamlar xavfsizlik qoidalariga amal qilmay yashab kelayotganligi aniqlangan
2016-yil 26-oktabr, chorshanba kuni soat 11:30 atrofida Toshkent shahar Shayxontohur tumani Farobiy ko‘chasidagi qurilish ishlari olib borilayotgan 393b-sonli bino konstruksiyalarining to‘satdan qulashi oqibatida 3 kishi halok bo‘ldi, yana 2 kishi turli darajada tan jarohati olib, shifoxonaga yotqizildi.