Texnik ijodkorlik va dizayn fanidan amaliy mashg`ulotlarni bajarish uchun uslubiy tavsiyal

Biser to`qish texnikasi 
Bezak tayyorlash uchun oldin uning ko`rinishi qanday bo`lishini aniqlab 
olish kerak. SHundan so`ng ornament kompozitsiya to`g`risida ish olib boriladi. 
Oddiydan murakkabga o`tish qoidasiga rioya qilish kerak. eng avvalo ornament 
kompozitsiyasining ko`rinishi rangli eskizlar bilan chizib olinadi. So`ng bir, ikki va 
uch igna yordamida bezak elementlar to`qila boshlaydi. 
I I I. Asbob uskunalar.
Biser, bezak va munchoq toshlar turlari, ip va igna kerak bo`ladi.
Iplar: biserli buyumlarning sifati va tashqi ko`rinishi ishlatiladigan iplar 
sifatiga bog`liqdir. Ilgari vaqtlarda lion iplardan va ot sochlaridan foydalanishgan. 
Xozirgi davrda xar qanday tabiiy va sintetik tolalardan tayyorlangan iplar va 
leskalardan foydalaniladi. Iplarning xar bitta turi o`zining avzalligi va kamchiligiga 
egadir. Qalin iplar mustaxkam va egiluvchan bo`ladi va formani yaxshi saqlaydi va 
biser tikilganda sifatli chiqadi. Tabiiy tolali iplar tikishga qulay bo`ladi, chunki 
ularda biser sirpanmaydi. Ammo ular mustaxkam bo`lmaydi. Sintetik tolali iplar 
uzoq muddatga chidaydi chunki ular chirimaydi lekin ularning tarangligi past 
bo`ladi. Ignaga bir necha marta taqilgandan so`ng ular titilib ketishi mumkin 
bundan tashqari ular yuqori temperaturada parchalanib ketadi. 
Leska: mustaxkam va shoffofdir, buyumda sezilmaydi, lekin juda 
egiluvchan. Leska bilan tikilgan yoki to`qilgan buyum dag`al bo`ladi.
Sim: ko`pincha bezak elementlar to`qishda qo`llaniladi. egiluvchan va 
yumshoq simlardan foydalaniladi. Sim ingichka bo`lishi kerak chunki biserning 
teshigidan ikki qavat qilib o`tkazilishi kerak bo`ladi. 
Igna: ignalar juda ingichka bo`lishi kerak. Ular biser teshigidan bemalol 
o`tishi kerak. Biser munchoqlarning teshigi juda kichkina bo`lib, igna o`tmasa u 
xolda ipning bir uchuni lak yoki PVA kleyiga botirib so`ng biserdan o`tkaziladi.