Texnik detallar yozma tafsifi bo’yicha ortogonal va aksonometrik proyeksiyalar bajarishga oid metodik ko’rsatma

Tadqiqot vazifalari:

1. 
   Chizmachilikdan aksonometrik proyeksiyalash mavzusi bo'yicha dastur, darsliklar, standartlar va qo'shimcha adabiyotlar mazmunini tadqiq qilish.
   
2. 
   Chizmachilik darslarida talabalarning fazoviy tasavvurni aksonometrik proyeksiya orqali rivojlantirish usullarini ishlab chiqish.
   
3. 
   Aksonometrik proyeksiyalashni AKT asosida o’qitish mazmunini ishlab chiqish.
   

Tadqiqot ob'ekti. Oliy o’quv yurtlarida chizmachilik ta'lim jarayoni.
Tadqiqotpredmeti. Aksonometrik proyeksiyalash nazariyasini AKT asosida o’qitish mazmuni.
Tadqiqotning ilmiy farazi. Chizmachilik darslarida aksonometrik proyeksiyalash nazariyasiga kreativ yondashish asosida talabalar bilim va
4
ko’nikmalarini oshirish, talabalarning fazoviy tasavvurni rivojlantirishiga erishish mumkin.
Himoyaga olib chiqilayotgan asosiy holatlar:

1. 
   Chizmachilik darslarida kreativ yondashuv asosida talabalarning fazoviy tasavvurini aksonometrik proyeksiya mavzusi orqali rivojlantirish usullari ishlab chiqish.
   
2. 
   Aksonometrik proyeksiyalashni kompyuter grafik dasturida bajarishga oid ko’rsatmalar tuzish.
   

Ilmiy yangiligi:

1. 
   Chizmachilik darslarida kreativ yondashuv asosida talabalarning fazoviy tasavvurini aksonometrik proyeksiya mavzusi orqali rivojlantirish usullari ishlab chiqildi.
   
2. 
   Aksonometrik proyeksiyalashni kompyuter grafik dasturida bajarishga oid ko’rsatmalar tizimi yaratildi.
   

Tadqiqotning amaliy ahamiyati. Nazariy va amaliy tadqiqot natijalari chizmachilik ta'limi uchun yangi turdagi didaktik materiallar ishlab chiqishga imkon beradi. Shuningdek, natijalardan oliy va o'rta maxsus ta'lim jarayonida hamda, chizmachilik o'qituvchilari foydalanishlari mumkin.


I.Bob. AKSONOMETRIK PROYEKSIYALASH.

1. 
   Aksonometrik proyeksiya tarixi.
   

C hizma geometriyada perspektiv yasashlar bilan yaqqollik tasvirlanadi. Ortoganal proyeksiyalar usulidagi tasvirlarda o’lchamlarning qulayligi mavjud bo’lsa ularni yana bir holat bilan to’ldiruvchi aksonometrik proyeksiyalash usuli mavjuddir.


A
N
ksonometrik proyeksiyalarni qisqacha «Aksonometriya» ham deb yuritiladi. Aksonometriyani qachon qayerda paydo bo’lgan noma’lumdir. Ammo bu usulni tahminlarga asosan qadimgi Gretsiyadagi tasvirlarda uchratish mumkin. Buni 1- shakldagi holatdan kamonchining kamon otish holatidagi turishidan ko’rish mumkin. Shakldan ko’rinishicha kamonchining qaddi-qomatini yaqqolligini tasvirlanishi, uning kamonini barcha elementlarini yaqqol tasvirlab turishidir. Bu tasvir o’sha paytda Egipetliklarga tanish bo’lmagan ammo hozirgi zamonda qiyshiq burchakli frontal aksonometriyaga o’xshaydi.
Geometriya, qurilish ishlari, mexanika va boshqa soxalardan tasvirlash uchun amaliy ishlarni bajarishda ancha murakkabroq 2-shakl bo’lgan perspektiv yasashlar usuli o’rniga hozirgi zamonda
aksonometrik proyeksiyalari usuli paydo bo’ldi. Biror bir ilmiy nazariy asoslar bo’lmaganligi uchun «Bu usul dastlab ixtiyoriy ravishda tasvirlashning biror bir shartli usuli deb qaraldi» degan fikrlarni ulug' rus olimi tarixnavis, N.A.Rinin yozib qoldirgan.
Aksonometriya to’lqinli perspektiva ham deb yuritilgan. Chunki aksonometriya ham perspektiva singari tekislikka (aksonometriya tekisligiga) tasvirlanib, bu tasvir uch o’lchamli fazoni ifodalagan hamda tasvirlar aniq bo’lmagan qoidalar asosida ko’rinishini qulayligini yoki yaqqolligiga qarab bajarilgan. Bunda parallel chiziqlar parallel vaziyatlarda chizilgan. Aksonometriyadagi tasvirlar o’z o’lchamlarini saqlab qoladigan qilib chizilgan. Bunday tasvirlar birinchi navbatda kartograflar va harbiylar uchun zarur bo’lgan.
Ptolamey (I a) davrlaridan boshlab XVIII asrgacha shaharlar plani qush parvozidan tasvirlangan. Bunda binolar tasvirlari vertikal holatda joylashtirilgan.
Bunday tasvirlash usullarini kitob miniaturalarida ham ko’rish mumkin. XVI asrdan boshlab hozirgi zamon aksonometriyasiga o’xshatib bajarilgan texnik shakllar va chizmalar paydo bo’la boshlandi. Ulug' olim Kepperning 1619 yilda yozilgan «Dunyo garmoniyasi» asarida chizgan aksonometriya tasvirlari 2-shaklda keltirilgan.

2. 
   shaklda kubning izometrik proyeksiyasi muntazam oltiburchak ko’rinishda bajarilgan. 2-b shaklda kub va uning ichidagi oktaedrning tasviri Kovaler proyeksiyalarda chizilgan. Ammo olim bu tasvirlarni yasash nazariyasini yozib qoldirmagan.
   

1738 yilda Fransuz me'mori Freze toshni qirqish asarida kubni uning diogonaliga perpendikulyar bo’lgan tekislikdagi to’g'ri burchakli proyeksiyasi muntazam olti burchak bo’lishini isbotlagan. Bu asarda u o’sha zamonda ma'lum bo’lgan barcha tasvir usullari apparatlarini keltiradi. Ya'ni figuralarning ikki tekislikdagi ortogonal proyeksiyalari, me'morchilik fragmentlarining perspektivalarini yasash, tekis egri chiziqlar, kesishuvchi sirtlar, svodlar, bloklarning yaqqol tasvirlarini yasash uchun ularning aksonometrik proyeksiyalarini bayon etgan.
Aksonometriya so’zi grekcha bo’lib, axon-o’q va metrion-o’lchayman. Ya'ni o’qlar bo’yicha o’lchayman degan ma'noni bildiradi.
Endi aksonometrik o’qlar to’g'risidagi ma'lumotlarni keltiramiz.
Har bir fazoviy jismda uning eni, bo’yi va balandligini o’lchash uchun ularga parallel qilib uchta o’zaro perpendikulyar bo’lgan o’qlarni belgilash mumkin. Bu uchta o’zaro perpendikulyar jismning aksonometriya tekisligidagi tasvirlarga nisbatan qanday joylashgani bo’lishi mumkinligini bilish zarur.
To’g'ri burchakli ox, oy, oz o’qli koordinatalar sistemasini (Dekart sistemasi) tasvirlar yasash uchun birinchi bo’lib Rene Dekart perspektivaga qo’llagan.
7Dekartning zamondoshi Jerar Dezarg aksonometrik tasvirlar yasashda ox va oz o’qlarni kartina tekisligida joylashtirib, oy o’qini unga perpendikulyar qilib olgan.
Aksonometrik proyeksiyalashda proyeksiyalovchi nurlar o’zaro parallel bo’lganliklari uchun uni perspektiv yasashlardagi ko’rish nuqtasini cheksiz uzoqlashtirilgan xususiy hol deb qarash mumkin. Bunday xulosani birinchi marta nemis olimi N.G.Lamberti bergan. Matematiklarning yangi fani, analitik geometriya faniga qiziqib yurgan paytlarida Lamberti o’z fikrlarini o’zgartirmasdan geometriya fani fidoyisi bo’lganini saqlagan holda u ilmiy ishlarini tasvirlar yasashning yangi usullarini yaratishga bag'ishladi. U o’zining “Ixtiyoriy perspektiva” asarida tekis chizmada aksonametrik tasvirlarni rekonstruktsiya qilgan. Aksonometrik tasvirlar nazariyasini boyitishda o’z hissalarini qo’shgan quyidagi olimlarni ham kiritish mumkin.
Feyrich-Kemberidj filosoflar jamiyatida ma'ruza o’qiganda birinchi marta izometrik proyeksiyalar nazariyasi to’g'risida ma'lumot berib, bu terminni birinchi bo’lib ishlatgan. Shundan so’ng u o’z kafedrasini qoldirib izometriyani mukammal, har tomonlama chuqur ishlab chiqib, Angliyaning turli sanoat markazlariga borib, texniklarni o’zining yaratgan usuli bilan tanishtirib texnik chizmalarni tuzishda qatnashgan.
Aksonometrik proyeksiyalar nazariyasi bo’yicha ulug' matematik Karl Gauss ham chetda qolmagan. U 1830-1850 yillarda o’qigan ma'ruzalarida aksonometriyaning asosiy teoremasining isbotsiz ko’rinishda bayon qilgan.
1853 yilda nemis olimi Karl Polke tomonidan aksonometriyaning asosiy teoremasining hususiy xolini isbotladi.
1862 yilda Shveytsariyalik olim Karl Shvarts tomonidan aksonometriyaning asosiy teoremasi umumiy ko’rinish xolida isbotlandi.
Teorema mazmuni quyidagicha: Bir nuqtadan chiqqan tekislikdagi har qanday uchta kesma fazodagi bir nuqtadan chiquvchi va o’zaro perpendikulyar bo’lgan teng kesmalarning parallel proyeksiyalari deb qarash mumkin. XIX asr o’rtalaridan boshlab aksonometrik proyeksiyalar chizma geometriyaning mustaqil va asosiy bo’limlaridan biri bo’lib o’zining ilmiy yo’nalishiga ega bo’lgan.
8
Aksonometrik proyeksiyalar nazariyasidan monografiyalar, darsliklar va o’quv qo’llanmalar, ilmiy ishlar to’plamlari yaratildi hamda ilmiy konferentsiyalarda alohida maxsus sektsiyalar ajratildi va bir qator ilmiy ishlar himoya qilindi.
Aksonometrik proyeksiyalarning amaliyotda qo’llanilishi juda ko’p sohalarni qamrab oladi. Bu proyeksiyalash usuli bilan ortogonal proyeksiyalash nazariyasini tushuntirish yoki ilyustratsiya qilishga keng qo’llaniladi.

2. 
   Qurilish va sanoatning turli sohalari, geologiya, kristalogiya, tog' ishlari, gidrotexnika, kabi sohalarga tegishli masalalarni yechishdagi yaqqol tasvirlarni yasashda hamda geometrik figuralarning yaqqol tasvirlarini yasashda keng qo’llanildi.Aksonometrik proyeksiya turlari haqida umumiy ma’lumot.
   

Geometrik obyektlarni ikki yoki uch o'zaro perpendikulyar proyeksiyalar tekisligiga ortogonal proyeksiyalash usuli bilan tasvirlash ko'p afzalliklarga egaligi sababli chizma bajarishda keng qollaniladi. Shu bilan birgalikda ushbu metodning bitta ko'rinib turgan kamchiligi - yaqqollikning yo'qligi, obyektning bajarilgan proyeksiyalari hajmini ifodalamasligida. Bu kamchilikning sababi: proyeksiyalarning har birida biz geometrik obyektning faqatgina ikkita ma'lum proyeksiyalar tekisligini aniqlovchi o'qlarga parallel bo'lgan o'lchamlarini ko'ramiz. Bunda obyektning uchinchi o'lchami hamisha nol qiymatga ega bo'ladi, chunki o'qlarning bittasi qaralayotgan proyeksiya tekisligiga perpendikulyar joylashadi. Shuning uchun biror predmetning frontal proyeksiyasi bo'yicha uning faqatgina Ox va Oz o'qlariga parallel o'lchamlarini, gorizontal proyeksiyasida Oz va Oy o'qlariga parallel olchamlarini aniqlash mumkin, Bu vaziyat yassi tasvirlarga asoslanib, tasavvurda obyektning fazoviy shaklini yaratishni (tasavvur qilishni) talab qiladi.
Yuqoridagi kamchilikni bartaraf qilish yo'llaridan biri bu proyeksiyalanayotgan obyekt asosiy o'lchamlaridan hech birini proyeksiya tekisliklariga perpendikulyar bo'lmaydigan vaziyatda joylashtirishdan iborat. Shu yoy bilan hosil qilingan tasvirdan predmetning uchta o'qi bo'yicha o'lchami haqida ham ma'lumot olish imkoniyati bo'ladi. Sunday tasvirlar yaqqol tasvirlar deb ataladi, predmet yaqqolligini ta'minlash, olchamlari haqida ma'lumot olish uchun proyeksiyalash usullari, predmetning proyeksiya tekisliklariga nisbatan vaziyati hamda proyeksiyalovchi nurlar yo'nalishi katta ahamiyatga ega. Yuqoridagilardan ko'rinib turibdiki, yaqqol tasvir hosil qilish usullari juda ko'p. Shuning uchun ularni bir tizimga keltirib, har birining ishlatilish sohalarini belgilab olish zarur bo'ladi.
Chizmada bajariladigan yaqqol tasvirlaming uchta turi mavjud: perspektiva, parallel va markaziy aksonometriya.
Perspektiva katta olchamli obyektlar (binolar, plotinalar, samolyotlar, yirik stanoklar va h.)ni ular bunyod qilingandan keyin ma'lum bir qarash nuqtasidan ko'rinishini tasvirlashda qo'llaniladi. Shuning uchun ham perspektiva loyihalovchilar tasavvuridagi obyektlarning fotografiyasi o'rnini bosadi. Ammo perspektivaga qaraganda texnikada, xususan, mashinasozlikda keng qo'llaniladigan parallel aksonometriyadan (odatda kichik o'lchamli obyektlarni tasvirlashda qo'llaniladi) foydalanish qulay. Aksonometriya nazariyasi chizma geometriya kursida, amaliy qo'llanilishi esa chizmachilikda o'rganiladi. Markaziy aksonometriya ko'proq ilmiy ahamiyatga ega bo’lib,

2. 
   shakl. Aksonometrik proyeksiyaning hosil bo'lishi Aksonometriya metodining mohiyatini ko'rib chiqamiz: obyekt to'g'ri burchakli Dekart koordinatalar sistemasiga joylashtiriladi va aksonometrik proyeksiyalar tekisligi deb nomlanadigan tekislikka parallel nurlar o'tkazib proyeksiyalanadi (3-shakl). Shu tekislikda hosil bo'lgan tasvir aksonometrik proyeksiya yoki oddiy qilib aksonometriya, o'qlar koordinatalarining proyeksiyalariga esa koordinatalarning aksonometrik o'qlar deyiladi.
   

Har bir hajmli predmetda uning asosiy o'lchamlariga parallel bo'lgan uchta o'zaro perpendikulyar yo'nalishlar: uzinlik, en va balandlikni aniqlash mumkin. 3- shaklda ularga parallel ravishda predmetning uzunligi, eni va balandligi aniqlanadigan shunday yo'nalishlar: OX, OY_t OZ ko'rsatilgan.