Test haqida ma’lumot «Test» inglizcha «test» so‘zidan olingan bo‘lib topshiriq, tajriba

IV. Guruhlarda test va ijodiy topshiriq namunalarini tayyorlash va ular taqdimotini o‘tkazish

Metod: Ijodiy topshiriq;

Shakl: Guruhlarda;

Usul: yozma, taqdimot.

Tinglovchilar guruhlarda test va ijodiy topshiriq namunalarini tayyorlaydilar (Adabiyotdan 5-9 sinf mavzulari misolida, kamida 10 ta test, 1ta ijodiy topshiriq namunasi).

Belgilangan vaqtdan so‘ng bajarilgan ish yuzasidan guruhlar taqdimot o‘tkazadilar.

V. Darsga yakun yasash – 3 daqiqa.

O‘qituvchi va tinglovchilar hamkorligidagi xulosa: test uslubining afzallik tomonlaridan biri shundaki o‘quvchi o‘z bilimini va dunyoqarashini to‘laroq namoyon qiladi, qog‘oz va vaqt iqtisod qilinadi, o‘quvchilar bilimini baholashda shubhaga o‘rin qoldirmaydi va tez fikrlaydigan iqtidorli o‘quvchilarni saralab olishni ancha osonlashtiradi. Maktab fan o‘qituvchilari oldida to‘rgan navbatdagi vazifa, test, uslubi asosida savollar tuzishni puxta o‘zlashtirish va o‘quvchilarda ham test uslubi bo‘yicha tuzilgan savollarga qisqa vaqtda o‘ylagan va fikrlagan holda javob berishga o‘rgatish bilan birga, yengil mavzular bo‘yicha test savollari va ularga javoblar, tayyorlash borasida ham ilk bor ko‘nikmalar hosil qilishdan iborat bo‘ladi. Adabiyot fanidan test savol-javoblarini tuzishda – o‘quvchilarning ma’naviyatini shakllantirish, ularni mustaqil fikrlashga o‘rgatish, adabiyot sohasida bo‘layotgan yangiliklarga, ongli yondashish, Vatanimizda adabiyot fanini rivojlantirishga hissa qo‘shayotgan o‘zbek olimlarining ish faoliyatlari bilan tanishtirish, o‘zligini anglash, Vatanga mehrli, sadoqatli bo‘lishga tayyorlashdan iboratdir. Ijodiy topshiriqlar esa, o‘quvchilarning fanga qiziqishlarini, mavzu doirasida chuqurroq fikr yuritish, mantiqiy mushohada etish kabilarni ta’min etadi.