Termodinamika” fanidan o`quv- uslubiy majmua

Bosim bosqichlari bor turbinalar. Bug’nday turbinalarda bug’ p₀bosimdan oxirgi p₂ bosimgacha bir marta kengayadigan soplolarning bir qatori bilan ish qanotlarining bitta qatori bosimning bitta bosqichini hosil qiladi. Agar bug’ yo’li bo’ylab shunday bosim bosqichlaridan bir nechasi joylashtirilsa, u holda bug’ p₀ dan p₂ gacha birdaniga emas, baiki bosqichlar bilan kengayadi. SHunday qilib bosim bosqichlari bor turbinani bug’ yo’li bo’ylab ketma—ket joylashtirilgan, disklari umumiy valda bo’lgan bir bosqichli bir necha turbinadan iborat deb qarash mumkin.
Turbinaning korpusi to’siqlar—diafragmalar bilan uchta kameraga bo’lingan. Har qaysi diafragmaga soplolar o’rnatilgan bo’lib, bug’ bir kameradan ikkinchi kameraga shu soplolar orqali o’tadi va bosimi pasayadi.
Bug’ halqasimon kameradan birinchi bosqichning soplosiga o’tadi. So’ngra ketma—ket ish qanotlarining panjarasiga, soplo panjarasiga, ish qanotlarining panjarasiga, shundan keyin soplo panjarasiga va ish qanotlarining panjarasiga o’tadi. p₂bosimli ishlab bo’lgan bug’ patrubka orqali kondensatorga yuboriladi.
Aktiv turbinada ish qanotlarida bosim o’zgarmasligicha qoladi. Bug’ning soplolardagi absolyut tezligi bosim pasayishi bilan ortadi, ish qanotlarida esa pasayib, mexanik ishga aylanadi.
Bug’ kengaya borishi bilan uning hajmi kattalashadi, shuning uchun soplolarning ish parraklarining balandligi ham birinchi bosqichdan oxirgi bosqichga o’tish yo’nalishida kattalashib boradi.
Bosim bosqichlari bor turbinalarning f.i.k. ancha yuqori bo’ladi. Ular bug’— kuch qurilmalarida asosiy dvigatel sifatida keng ko’lamda ishlatiladi. Bosim bosqichlari aktiv turbinalarda ham, reaktiv turbinalarda ham qo’llaniladi.
Kombinatsiyalashgan turbinalar. Kombinatsiyalashagan turbinalarda bosim va tezlik bosqichlarining ijobiy tomonliridan foydalaniladi. Ular turbinaning tejamliligini va ishonchliligini oshiradigan, shuningdek narxini kamaytiradigan kombinatsiyalarda qo’llaniladi. Kombinatsiyalashgan turbinalar aktiv va aktiv—reaktiv bo’ladi.