Термиз давлат университетининг педагогика институти 2021-йил " " хатига илова

7. Анжуман натижаларидан кутилаётган илмий, ижтимоий ва иктисодий самарадорлик: Мамлакатимизда маданият ва санъат соҳасига берилаётган эътибор, хусусан мусиқа таълими, тасвирий санъат ва муҳандислик графикаси соҳасини янада ривожлантириш борасида амалга оширилаётган кенг кўламли ишлар замонавий мусиқа таълими, тасвирий санъат ва муҳандислик графикаси соҳасида ўзига хос изланишлар олиб борилишини талаб этади ва санъатшунослик соҳаси олдига вазифалар юклайди. Ўзбекистонда профессионал мусиқа таълими, тасвирий санъат ва муҳандислик графикаси турлари ва йўналишлари ривожи асосан ХХ асрда шаклланди ва табиийки Евроосиё тафаккурининг натижаси саналади. Минг йилликлар давомида тадрижий ривожланиш тарихига эга Ўзбекистоннинг анъанавий бадиий маданияти эса ХХ асрда мураккаб тарихий, сиёсий, маданий, диний, ижтимоий-иқтисодий вазиятларни ўзида акс эттирди. Тамаддун силжишларидаги мазкур жараён, ўтган аср бошидаги йирик ижтимоий силсилалар мусиқа таълими, тасвирий санъат ва муҳандислик графикаси турларини нафақат Европа ёки рус санъатидан тўғридан-тўғри кўчириш, балки миллий қадриятлар фонида уларни ўзлаштириш, этномаданий мерос талқинида акс эттиришга олиб келди. Ю. Ражабий, С.Юдаков, Р.Абдуллаев, М.Мирзаев, Ф.Жабборов, Ч. Ахмаров, Р. Ахмедов, Р. Чориев, А.Мирзаев, Б.Жалолов, А.Нуридинов, Р.Хорунов, Ш.Муродов, Т.Риқсибоев, И.Абдурахмонов, П. Одилов. каби кўплаб устозларнинг асар ва ишларида эса шарқона бадиий дунёқараш намоён бўлди. Миллий мусиқа таълими, тасвирий санъат ва муҳандислик графикасидаги бу каби жараёнлар санъатшунос олим ва мутахассисларнинг олдида янгиланган илмий маълумотлар ва методология ёрдамида ўз ижодини ёритиш, уларни миллий мусиқа таълими, тасвирий санъат ва муҳандислик графикаси ривожи тарихига қўшган ҳиссасини белгилаш каби мураккаб вазифалар турибди.
Амалий натижалар конференция маърузаларининг илмий тўплами, шунингдек, мақолалар, маърузаларнинг электрон версиялари ва ҳоказолардан иборатдир. Конференция натижалари асосида СD дисклар, Интернет ижтимоий тармоғидан ўрин оладиган маълумотларда акс этади.