Termiz davlat universiteti yuridik fakulteti

Komil insonni tarbiyalash – umumbashariy g`oya. Ya`ni, bu –jami odamzodga xos orzu. Lekin buni amalga oshirishda har bir xalq o`zining milliy xususiyatlari, an`ana va qadriyatlaridan kelib chiqadi. Shuning uchun har bir xalqning o`zi intiladigan komillik timsollari bo`ladi.


MAQSAD (falsafada) — inson amaliy faoliyatining avvaldan fikran o‘ylangan natijasi. Maqsad insonlarga xos bo‘lib, uni kelajakning loyihasi, deb ta’riflash mumkin. Ehtiyoj, manfaat, motiv individ yoki ijtimoiy guruh xulq-atvori, faoliyatining muhim tarkibiy qismlari bo‘lsa, maqsad faoliyat yo‘nalishini belgilovchi elementdir.
Ma’naviy-axloqiy tarbiya- mohiyatiga ko‘ra insonning jamiyat oldida burchliligi, o‘z xulq-atvorining jamiyat taraqqiyoti darajasi bilan uyg‘ unligi, shuningdek, ma’naviy-axloqiy xulq-atvorning insonning kishilarga bo‘ lgan hurmat-e’tiborini namoyon etuvchi mezonlardan ekanligini tushunishi, axloqiy ideallarining
to‘g‘riligiga ishonch hosil qilishi, ma’naviy-axloqiy bilimlarining e’tiqodga aylanishi va e’tiqodning tizimli bo‘lishini ta’minlash va ma’naviy-axloqiy odatlarning shakllanishi uchun zarur shart-sharoitlarni yaratadi.
Madaniy meros - bu o’tmishdan qolgan qadriyatlar, g’oyalar, tajriba, bilimlar ularni o’zlashtirish yo’llari, ya'ni kishi­larning ijodiy faoliyat usullari va uni tashkil qilish hamda uning natijalaridir.
Mas'uliyat- bu majburiyatlarga rioya qilish va qaror qabul qilishda yoki biror narsa qilishda ehtiyot bo'lishdir. Mas'uliyat, shuningdek, kimdir yoki biror narsa uchun javobgar bo'lish faktidir.
Mehnat tarbiyasi - tarbiyaning muhim turi, shaxsni shakllantirishning zarur shartlaridan biri boʻlgan pedagogik jarayon. Mehnat tarbiyasi kishidan ijtimoiy foydali mehnatga ichki ehtiyoj, intizom, batartiblik, tashkilotchilik, tashabbuskorlik, ishchanlik, ishning koʻzini bilish singari sifatlarni qaror toptirishga xizmat qiladi. Mehnat inson ehtiyojlarini qondirishning birinchi va asosiy vositasi boʻlganligi uchun ham Mehnat tarbiyasi tarbiyaning boshqa hamma turlaridan oldin paydo boʻlgan.
Tejamkorlik - ne'matlarni qadrlash, me'yorida ishlatish. Tejamkorlik - yaxshi fazilat. Tejamkor insonning oilasida baraka, ishida unum bo’ladi. Kimki, o’zidagi bor narsani tejab-tergab ishlatsa, u uzoqqa yetadi.