Termiz davlat universiteti tarix fakulteti

Fan bo‘yicha bilim, malaka va ko‘nikmalarga qo‘yiladigan talablar.
“O‘zbekistonda millatlararo munosabatlar va bag‘rikenglik” fanini o‘zlashtirish jarayonida amalga oshiriladigan masalalar doirasida magistrant:

• 
  Fanning maqsad va vazifalari, xususan, O‘zbekiston hududida barcha tarixiy davrlardagi millatlararo munosabatlar va unga turli siyosatlarning ta’siri hamda o‘zbek xalqi bag‘rikenglik qadriyatini nazariy va amaliy asoslari ko‘nikmasiga ega bo‘lish, ulardan ilmiy maqsadlarda foydalanishni bilish kerak;
  
• 
  Talaba tarixiy ma’lumotlarni ilmiylik, tarixiylik, holislik asosida o‘rganish, arxiv hujjatlari, manbalar, adabiyotlar, internet ma’lumotlarini mustaqil tadqiq va tahlil qilish, o‘rganish ko‘nikmalariga ega bo‘lishi kerak;
  

Fanning o‘quv rejadagi boshqa fanlar bilan o‘zaro bog‘liqligi va uslubiy jihatdan uzviy ketma-ketligi
O‘qitiladigan fan-fanlararo xarakterga ega bo‘lib, O‘zbekiston va jahon tarixi, siyosatshunoslik, aholishunoslik, etnografiya, falsafa fanlarga, ya’ni I blok – ijtimoiy-iqtisodiy fanlarga aloqador masala hisoblanadi. Shu bilan birga tarix fanidan bakalavriat tizimida o‘qitilgan maxsus kurslardan olingan bilimlarga asoslanadi: O‘zbekistonda savdo munosabatlari va tadbirkorlik tarixi, O‘zbekiston mustamlaka va sovet totalitarizmi sharoitida, Mustaqil O‘zbekistonning ijtimoiy-iqtisodiy rivojlanishi va boshq.