Термиз давлат университети тангиркулов Элмурод Алиярович

УМУМИЙ ХУЛОСА ВА ТАВСИЯЛАР.......................
ФОЙДАЛАНИЛГАН АДАБИЁТЛАР РЎЙХАТИ .....
ИЛОВАЛАР........................................................................


КИРИШ
Диссертация мавзусининг долзарблиги Бугунги глобаллашув ва тараққиёт даврида келажагимиз бўлган ёш авлод тарбияси алоҳида аҳамиятга эга бўлган зарурий муаммолардан бири. Жаҳон мамлакатлари тараққиётидан маълумки, ҳар қандай давлатнинг иқтисодий ривожланиши, унда камол топаётган фарзандларнинг ахлоқий савияси нечоғлик юксаклигига боғлиқ. Бу борада ёшлар тарбияси, айниқса, уларни бошланғич синфдан бошлаб тадбиркорлик, тежамкорлик ва иқтисодий тарбия тушунчaлaри билан таништириш тарбияни тўғри йўлга қўйиш учун зарурий эҳтиёжлардан бирига айланмоқда.
Ўзбекистон Республикасининг собит қадамлик билан ривожланиши, аҳолининг юқори даражадаги ҳаёт сифати ва саломатлиги фақатгина экотизмнинг сақланиши, атроф-муҳит барқарорлиги, табиий ресурслардан оқилона фойдаланиш, экологик муаммоларни хал этиш ишларига ахолини кенг жалб қилиш билан бевосита боғлиқдир. Бунга эса атроф-муҳитни муҳофаза қилиш соҳасидаги қонунчиликни такомиллаштириш, фуқаролик жамияти институтларини мустаҳкамлаш ва давлат ва жамоат тузилмаларининг ижтимоий шериклигини кучайтириш масалалари йўналтирилган.
“Мамлакатимизда демократик ислохотларни янада чуқурлаштириш ва фуқаролик жамиятини ривожлантириш Концепцияси” доирасида қабул қилинган “Экологик назорат тўғрисида”, “Ижтимоий шериклик тўғрисида”, “Давлат органлари фаолиятинининг очиқлиги тўғрисида”ги Қонунлар ННТлар, фуқароларнинг ўзини ўзи бошқариш органлари, оммавий ахборот воситалари ва бошқа фуқаролик институтларининг хуқуқ ва ваколатларини кенгайтириш хамда мустахкамлаш баробарида, уларни жойларда атроф-муҳит муҳофазасини таъминлаш, табиий ресурслардан оқилона фойдаланиш ҳамда экологик назоратни амалга оширишда муҳим омил бўлди.
Конституциямизда белгилаб берилган ҳуқуқий нормалар асосида мамлакатимизда атроф муҳитни муҳофаза қилиш, аҳоли саломатлигини ҳимоя қилиш, табиий ресурслардан самарали фойдаланишга йўналтирилган ижтимоий-иқтисодий ҳамда экологик сиёсат юритиб келинмоқда. Ўзбекистонда мавжуд бой табиий ресурсни муҳофаза қилиш ва улардан оқилона фойдаланишни таъминловчи ҳуқуқий база яратилиб, келгуси авлод учун соф атроф табиий муҳитни асраб авайлаш борасида муҳим ишлар амалга оширилмоқда. Мазкур жараёнда бошланғич синф ўқувчиларининг экологик билимларини шакллантириш, ошириш, мустаҳкамлаш муҳим аҳамиятга эга.
Ўзбекистон Республикаси Вазирлар Маҳкамасининг 2018 йил 8 декабрдаги “Халқ таълими тизимида ҳам таълим-тарбия сифатини баҳолаш соҳасидаги халқаро тадқиқотларни ташкил этиш чора-тадбирлари тўғрисида”ги 997-сон қарори, Вазирлар Маҳкамасининг 2019 йил 31 декабрдаги “Узлуксиз маънавий тарбия концепцияси” тўғрисидаги 1059-сон Қарори, “Ўзбекистон Республикаси Президентининг илм-фанни 2030 йилгача ривожлантириш концепсияси” тўғрисидаги 2020 йил 29 октябрдаги ПФ-6097 фармони, “Ўзбекистон Республикаси Президентининг “2019-2021 йилларда халқ таълими тизимидаги мактабдан ташқари таълим муассасаларини самарали ташкил этиш тўғрисида”ги қарори, 2019 йил 30 сентябрдаги ПҚ-4467-сонли қарори, Ўзбекистон Республикаси Президентининг халқ таълими тизимини 2030 йилгача ривожлантириш концепцияси 2019 йил 29 апрелдаги PF-5712 сони Фармони¹, ўсиб келаётган ёш авлодни маънавий-ахлоқий ва интеллектуал ривожлантиришни сифат жиҳатидан янги даражага кўтариш, ўқув-тарбия жараёнига таълимнинг инновацион шакллари ва усулларини жорий этиш мазкур диссертация тадқиқоти муайян даражада хизмат қилади.