Termiz Davlat Universiteti Ijtimoiy fanlar fakulteti Maktabgacha ta`lim yo‘nalishi

Termiz Davlat Universiteti
Ijtimoiy fanlar fakulteti
Maktabgacha ta`lim yo‘nalishi
3-kurs 302- guruh talabasi
Pardayeva Bibizarning
Termiz shahar 20-sonli MTT dagi
Pedagogik amaliyotning birinchi
haftasi to’g’risidagi
Hisoboti
Men Pardayeva Bibizar Murtoz qizi 2022-yil 24-martdan boshlab Termiz shahrida joylashgan 8 haftalik pedagogik amaliyotimni boshladim. Pedagogik amaliyotning birinchi haftasi MTT, undagi pedagogik jamoa, ish tartibi, guruhlar kesimi, ularda olib boriladigan ishlar bilan tanishishdan iborat bo’ldi. Amaliyotning ilk kunida kafedra tomonidan biriktirilgan amaliyot rahbarim Qurbonova Nazira Nizomiddinovna bilan birgalikda MTT ga tashrif buyurdik. MTT direktori Safarova Gulchehra Pardayevna, uslubchi Mengqulova Mehrangiz bizni yaxshi qarshi olishib, MTT va o’z jamoalari bilan tanishtirishdi. Tanishuv so’ngida men MTTning tayyorlov guruhiga biriktirildim. Guruh tarbiyachisi Nishonova Fotima Zaripovna ekan. Guruhda 30 nafar tarbiyalanuvchilar bor ekan. Shu tariqa men ushbu guruhda amaliyotimni boshladim. Hafta davomida bolalarni MTT ga qabul qilishdan boshlab toki uylariga kuzatgunga qadar olib boriladigan ishlar bilan tanishdim. Tartibga ko’ra har kuni soat 8:00 da MTT ga yetib kelib undagi pedagogik faoliyatlarda ishtirok eta boshladim. MTT pedagogik jamoasida mudira, psixolog, xo’jalik mudiri, har bir guruhda tarbiyachilar va yordamchi tarbiyachilari, jismoniy tarbiya yo’riqchisi, musiqa rahbari va bulardan tashqari ingliz tili to’garak rahbarlari mavjud ekan. MTT dagi guruhlar soni 9 ta bo’lib 1 ta qisqa muddatli, 2 ta katta, 2 ta o’rta, 2 ta kichik va 2 ta maktabga tayyorlov guruhlari mavjud ekan. MTTda ish tartibi har kuni 7:30 dan 16:00 gacha bo`lib, shanba kuni metod kuni deb belgilangan ekan. Bu kunda tarbiyachilar va metodist ish hujjatlari va shu kabi metodik ishlarni amalga oshirishar ekan. Men biriktirilgan guruhim tarbiyachisi bilan birga faoliyatlar jarayonida ham ishtirok etdim. Amaliyotimning birinchi haftasi mart oyining 4-haftasiga to`g`ri keldi. Guruhda oy mavzusi “Go`zal bahor”, hafta mavzusi esa “Hasharotlar” ekan. Hafta davomida shu mavzular doirasida bolalar bilan faoliyatlar olib bordik. Rivojlantiruvchi markazlarda ham bolalar bilan qiziqarli o`yinlar, turli xil kichik musobaqalar olib bordik. Shu tariqa amaliyotning 1-haftasini yuqoridagi faoliyatlar bilan o`tkazdim va yakunladim.