Термиз давлат университети ботаника кафедраси

ЎЗБЕКИСТОН РЕСПУБЛИКАСИ
ОЛИЙ ВА ЎРТА МАХСУС ТАЪЛИМ ВАЗИРЛИГИ
ТЕРМИЗ ДАВЛАТ УНИВЕРСИТЕТИ
БОТАНИКА КАФЕДРАСИ
Табиий фанлар факулътети 2-курс биология таълим йўналиши талабаларига
“Микробиология ва вирусология”фанидан
“Микробиологиянинг пайдо бўлиши ва ривожланиши.
1.1 Микробиология предмети, вазифалари ва бошқа фанлар билан боғлиқлиги” мавзусида


МАЪРУЗА


Ўқитувчи: А.Сатторов


1 – маъруза мавзуси. Микробиологиянинг пайдо бўлиши ва ривожланиши (4 с.)
1.1 Микробиология предмети, вазифалари ва бошқа фанлар билан боғлиқлиги. (2с.)
Режа:

1. 
   Микробиология фани ҳақида.
   
2. 
   Микроорганизмларнинг аҳамияти.
   
3. 
   Микробиологиянинг тармоқлари. Микробиологиянинг бошқа фанлар билан алоқаси
   

Таянч сўз ва иборалар: Микробиология микроорганизмлар, микроскопик замбуруғлар, сувўтлари, бактериялар, риккециялар, микоплазма, вирус, вироид ва прионларнинг морфологияси, умумий микробиология,тиббиёт микробиологияси,қишлоқ хўжалик микробиологияси,ветеринария микробиологияси,саноат микробиологияси ,сув микробиологияси.


Адабиётлар А-1; А-2; А-3; А-4; Қ-5-20; Ин-1-5:
1. Микробиология фани ҳақида. Микробиология жуда майда оддий кўз билан кўринмайдиган фақат оптик асбоблар ёрдамида ёки электрон микроскоплар воситасида кўринадиган микроорганизмларнинг морфологияси, ситологияси, систематикаси, физиологияси ва бошқа хусусиятларини ўрганадиган фандир.
Ёруғлик микроскопининг катталаштириши 3000 мартагача бўлади. У 0,1 - 0,2 мкм бўлган зарраларни кўриш имкониятини беради (1мкм(микрометр) = 10^-3мм).
Замонавий электрон микроскопларнинг кўрсатиш қобилияти 0,15 нм (1нм (нанометр) = 10^-3мкм = 10^-6мм) гача бўлиб, бундай электрон микроскоплар кўрилаётган намуналар (бактериялар, вируслар) ва уларнинг ташкил қилувчи нозик қисмларини ҳам кўриш имкониятини беради. Бундай микроскоплар ўрганиладиган объектни 750000 мартагача катталаштиради. Одатда микроорганизмларни оптик микроскопда 1000 - 1500, электрон микроскопда эса 30000 - 100000 марта катталаштириб кўрилади (Мишустин, Емцев, 1987). Электрон микроскоп ёрдамида бактерия ҳужайрасининг нозик структуралари – хивчинлар, фимбрийлар, пилилар, ҳужайра девори, цитоплазматик мембрана, цитоплазмада жойлашган рибосома, нуклеотид, ҳар хил заҳира моддаларнинг шакллари ҳақида тўлиқ ахборот олишга эришилади.