Теридаги гистоморфологик ўзгаришлар

---

ТЕРИДАГИ ГИСТОМОРФОЛОГИК ЎЗГАРИШЛАР 
Тери касалликларидаги морфологик ўзгаришлар умумий патоло- гиянинг 
қонунлари бўйича кечади ва терининг тузилиши ҳамда функциясига боғлиқ бўлиб, 
маълум терминлар билан номланади. Бу патоморфологик ўзгаришларни тери 
биопсиясини микроскопик усуллари билан аниқлаш кўп дерматозларнинг 
ташхисида бебаҳо ўрин эгаллаган ва бу ўзгаришлар терминларини билиш зарур. 
Гиперкератоз
- эпидермис муғуз қаватининг қалинланиши.
Дискератоз 
- эпидермис хужайраларида кератинизация жараёнининг бузилиши. 
Паракератоз
— тугалланмаган мугузланиш натижасида мугуз каватида ядролик 
хужайралар пайдо бўлиши ва донадор қаватнинг қийин аниқланиши.
Акантоз
- тиканаксимон қават хужайраларининг кўпайиб қалинлашиб кетиши. 
Акантолиз
- тиканаксимон хужайралар орасидаги десмосомаларнинг 
шикастланиши.
Акантолизис
- тиканаксимон хужайралар орасидаги десмосомаларнинг эриб 
кетиши.
Спонгиоз 
- Мальпигий қаватининг ҳужарайралараро суюклик йигилиши ва 
десмосомалар бузилиб бўшлиқлар пайдо бўлиши.
Вакуолли дегенерация
- Мальпигий қаватининг ҳужайралари ядроси атрофида 
вакуоллар ҳосил бўлиб, улар ядрони пикнотик деформациялаб четга сиқиб 
чиқариши ва цитоплазма ичидаги суюклик ҳужайрани нобуд қилиши.
Баллонли дегенерация
—Мальпигий қават ҳужайраларнинг деге нератов 
ўзгариши, десмосомалар йўқолиб, серозфибринозли суюқликда шарсимон 
хужайралар сузиб юриши.
Папилломатоз
- терининг базал қаватидаги хужайралар орасига дерманинг 
сўрғичсимон каватининг сўрғичлари чўзилиб, терининг устки қаватларига чиқиши. 
Гранулёз 
- донадор қават хужайраларининг кўпайиб қалинланиши. 
Микроабсцесслар 
- эпидермис ва дерма хужайраларидан иборат яллигланиш 
ўчоги.
Эпидермолиз
- эпидермис ва дерма орасидаги базал мембранаси бузилиб, 
субэпидермал бўшлиқлар ҳосил бўлиши.