Terapevtik kasalliklar bilan og‘rigan bemorlarda hamshiralik parvarishi

Kechishi: o‘tkir, cho‘zilgan, qaytalanuvchi.

Davosi: krupoz zotiljam bilan og‘rigan bemorlar kasalxonaga joylashtiriladi. Yotoq rejim tavsiya etiladi. Davo infeksiyaga qarshi kura shishga qaratilgan bo‘ladi. Antibiotiklar, sulfanilamidlar, intok- sikatsiyaga qarshi vositalar, yurak preparatlari va balg‘am ko‘chiruvchi vositalar qo‘llaniladi. Protsess hadeganda so‘rilaver maydigan bo‘lsa, fizioterapiya qo‘llaniladi: UVCh toklari, diater miya, antibiotiklar bilan ingalatsiyalar qilinadi. Ingalatsiya dori moddalarni nafas olish yo‘li bilan organizmga yuborish usulidir. Ingalatsiyalar uchun aerozollar ko‘rinishida tayyor langan dori preparatlari ishlatiladi. Ingalatsiyalar uchun maxsus ingalatsiya apparatlari ingalatorlardan foydalaniladi. Ingalatsiyalarning beshta asosiy turi tafovut qilinadi: bug‘ ingalatsiyalari, issiq-nam inga latsiyalari, nam ingalatsiyalari, moy ingalatsiyalari, poroshok inga latsiyalari. Davoning qanday natija berayotganligini batamom tuzalib ketguncha rentgenologik yo‘l bilan nazorat qilib boriladi.

Profilaktikasi: Organizmni chiniqtirish (fizkultura va sport bilan shug‘ullanish), o‘z vaqtida to‘g‘ri va yetarli ovqatlanishni rejalashtirish kerak, sovqotishga yo‘l qo‘ymaslik, sanitariya-gigiyena (to‘g‘ri mehnat rejimi, havoni chang-gazlar, kimyoviy bug‘lar bilan iflos lanishdan saqlash) qoidalariga amal qilish, infeksiya o‘choqlarini sanatsiya qilish, bemorga yuqori va past haroratli havo, yelvizak ta’sir qilishining oldini olish kerak. Nafas yo‘llari ning har xil yallig‘lanish kasalliklarini o‘z vaqtida davolash; o‘tkir zotiljam kasalligini keltirib chiqaruvchi omillardan: tamaki che kish, spirtli ichimliklarni iste’mol qilishga qarshi kurashish kasallikning kamayishiga imkon beradi. Asoratlarning oldini olish maqsadida bemorlar to tuzalib ketguncha rentgenologik nazorat qilib turish.