Темурбеклар мактаби

Ўзбекистон Республикаси Давлат хавфсизлик хизмати “Темурбеклар мактаби” ҲАЛ раҳбар ва педагог ходимлари учун АКТ дан фойдаланиш самарадорлигини ошириш бўйича ишлар
ҲИСОБОТИ

Давлат хавфсизлик хизмати “Темурбеклар мактаби” ҳарбий-академик лицейи раҳбар ва педагог ходимларининг таълим жараёнини ташкил этишда самарадорликни ошириш учун ахборот-коммуникация технологияларини ўрганиш учун махсус семинар тренинглар ташкил этиб борилмоқда.

Ўқувчилар билимини баҳолаш жараёнини объектив ташкил қилиш, соддалаштириш мақсадида бир неча махсус тест дастурлари бўйича педагог ходимлар учун семинар ўтказилди.
Ноябр ойида ўқувчиларнинг фанлар бўйича ўз билимларини мустақил мустаҳкамлаб боришлари учун easy-Quizzy дастурида тест яратиш имкониятлари ва бу дастурдан фойдаланиш хусусида педагог ходимлар учун семинар ташкил этилди. Еasy-Quizzy дастурида яратилган тестлар орқали ўқитувчилар ўқувчиларнинг дарсдан бўш вақтларида мустақил ўз билимларини мустаҳкамлаб боришлари қулай восита бўлиб, бунда ўқувчилар шу жойнинг ўзида тестда йўл қўйган хатолари устида ишлашлари мумкинлигини алоҳида қайд қилиш мумкин.
Декабр ойида ўқувчиларни оралиқ назоратларида баҳолаш ва фанлардан ўзлаштиришларини мониторинг қилиб бориш учун яна бир дастур – MyTest дастури имкониятлари билан таништириш мақсадида “Темурбеклар мактаби” ҳарбий-академик лицейи раҳбар ва педагог ходимлари учун яна бир семинар ташкил этилди. Бу дастур оралиқ назоратларида баҳолаш ва фанлардан ўзлаштиришларини мониторинг қилиш учун қулайлиги шундаки, бу дастур орқали бутун натижалар ўқитувчи компьютерига таҳлил учун автоматик йиғилиб борилади. Бундан ташқари ўқитувчилар MyTest дастурининг ўқувчиларни тест орқали баҳолашнинг бир неча тартиблари билан таништирилди.
Декабр ойида “Темурбеклар мактаби” ҳарбий-академик лицейи педагог ходимлари ўз фанларини ўқитиш самарадорлигини ошириш учун ўз соҳалари юзасидан фойдаланиш мумкин бўлган амалий дастурларни ёки махсус симуляторларни компюьтерларга ўрнатиш ва ўқувчилар учун машғулотларида ва уларнинг бўш вақтларида бу воситалардан мунтазам фойдаланиш юзасидан тушунтиришлар берилди.