Tеmir yo'l transportining karkasli bino va ishootlarida qo'llaniladigan qurilish konstruksiyalari. Qurilish konstruksiyalariga qo’yiluvchi talablar reja

1.4. YUKLAR VA TA'SIRLAR

Ishlash jarayonida konstruksiya materiali turli xil ta'sirlar va turli xil yuklarni o'ziga qabul qiladi. Ta'sirlar kuchli (siloviye) va kuchsiz (nesiloviye) bo'lishi mumkin.

Kuchli yuklarga, ya'ni tashqi kuch sifatida ta'sir etadigan yuklarga quyidagilar kiradi:

- foydali yuklar, ya'ni konstruksiya qabul qilishi lozim bo'lgan yuklar (mashina va asbob-uskunalar vazni, tehnologik materiallar hamda odamlar og’irligi kabilar);

- zilzila va dinamik kuchlar ta'sirida vujudga kelgan inertsion yuklar va hokazo.

harorat, namlik, radiatsiya, zararli muhit kabi ta'sirlar kuchsiz, ya'ni kuchga bog’liq bo'lmagan ta'sirlarga kiradi.

Temirbeton konstruksiyalarini hisoblash nazariyasi ana shu ta'sirlarning barchasini inobatga ola bilishi zarur.

Hisoblash jarayonida ishtirok etadigan yuklarni belgilashda konstruksiyani mustahkam va ayni bir paytda, tejamli bo'lishini yodda tutishimiz lozim. Yuklar konstruksiyaning vazifasiga qarab turlarga ajratiladi. Me'yoriy yuklarni turlari “Yuklar va ta'sirlar” deb nomalangan qurilish me'yorlari va qoidalarida (SNiP 2.01.07-85) batafsil bayon etilgan [7]. Me'yoriy yuklar konstruksiyaning tejamlilik talablariga javob beradigan tarzda belgilanadi.