Teması: Informatika pánin oqıtıwda multimediyalıq qurallardan paydalanıw

№1 Laboratoriya jumısı
Teması: Informatika pánin oqıtıwda multimediyalıq qurallardan paydalanıw.
Jumıstıń maqseti: Scratch programmalastırıw ortalıǵında Spraytlar menen islesiw.
Metodikalıq kórsetpe: Aqlıy hújim, soraw-juwap hám ámeliy shınıǵıwlar
Tapsırmanı orınlaw izbe izligi:
Temanı túsindiriw processinde Scratch programmalastırıw ortalıǵında spraytlar menen islesiw, sahna fonın tańlawdı úyretiw ushın, scratch programmasınan paydalandım. Sabaqtı baslawda oqıwshılardıń itibarın qaratıw ushın Aqliy hújim metodinan paydalandım
Teoriyalıq túsinikler berip óttim:
Sizler menen aldınǵı temada Scratch programmalastırıw ortalıǵı hám imkaniyatları menen tanısıp shıqtıq. Spraytlardı háreketke keltiriw yamasa multfilmler jaratıwdan aldın, olardı jaylastırıw, kostyumlardı almastırıw, saxna fonın ózgerttiriw sıyaqlı kónlikpelerdi payda etiwimiz kerek.
Scratch interfeysiniń spraytlar panelinde jaylasqan:
1 — Choose a Sprite (spraytlardı tańlaw)
hám 2 — Choose a Backdrop (saxna fonın tańlaw) járdeminde, mıshkanı olardıń ústine alıp barıw menen shıǵatuǵın bólimler arqalı tańlanadı.
Biraq, spraytlardıń tómendegi parametrlerin ózgerttiriw ushın usı aynada jaylas-qan sprayt súwreti tańlanadı, olar aktiv halatqa ótkennen soń, kerekli parametrler ózgerttiriledi.
Name — spraytqa at beriw;
Show — aktiv yamasa kórinbeytuǵın etiw;
Size — sprayt ólshemi;
Direction — burılıw múyeshi mánisi;
X, Y — sprayttıń baslanǵısh poziciyasın ornatıw.


1-shınıǵıw. “Meniń birinshi joybarım!” Saxnaǵa jańa sprayt hám
fondı jaylastırıw.
Orınlaw texnologiyası
1-súwrette kórsetilgen Choose a Backdrop (fon tańlaw) túymeshesi basıladı hám payda bolǵan aynadan Sports  Playing Field súwreti
tańlanadı.


Choose a Sprite (spraytlardı tańlaw) bóliminen Sports  Soccer Ball — toptıń
súwreti tańlanadı. Top saxna orayına jaylasadı. Mıshka menen top belgilenedi
hám saxnanıń kerekli bólimine jıljıtıp ótkiziledi.

Saxnaǵa jáne bir sprayttı Choose a Sprite (spraytlardı tańlaw) bólimindegi Surprise (syurpriz) túymeshesi járdeminde tańlaymız.

Saxnada biz kútilmegen qaharman yamasa qanday da bir dene payda bolıwı múmkin. Eger bul sprayt sáykes kelmese, onı sebetke alıp taslaymız hám jáne háreket etip kóremiz.
Temaǵa sáykes bolǵan sprayttı tańlaymız hám onı saxnanıń tańlanǵan poziciyasına kóshiremiz.
Súwret tayar bolǵannan, onı Fayl bóliminiń “Save to your compyuter” kórsetpesin tańlaw arqalı saqlap alamız. Oǵan Futboll Scratch atamasın beremiz.
Joybarımız avtomatikalıq tárizde Scratch Projects papkasına saqlanıp qaladı.
Nátiyje: Búgingi sabaq barısında oqıwshılar scratch programmasında ápiwayı animaciyalardı jaratıwdı úyrendi. Oqıwshılar ózleri erkin túrde animaciyalar jarattı.