Tema: Suffiyler, sufizmniń shıǵıs mánawiyatındaǵı ornı. Sufizm jónelisi

Kubrawiya

—Yassawiylik penen bir ásirde júzege kelgen tariqatlardan biri. 

Bul tariqattıń tiykarın salıwshı—Shayx Najmiddin Kubra Xivaqiy (1145—1221). 

Ol Xorezmdegi Xivaq qalasında dúnyaǵa kelgen. 

1221-jıldıń  iyulinde  Shıńǵısxannıń  láshkerbasılarınan  biri  Xulaguxanǵa 

qarsı  76  jaslı  Shayx  Najmiddin  Kubra  xalıq  arasınan  láshker  toplaydı  hám 

Úrgenish  qorǵanın  «Ya  Watan,  ya  sharapatlı  ólim»  dep  baqırǵanınsha  birneshe 

kún  dushpannan  saqlap  turadı.  Bul  sawash  waqtında  shayx  Najmiddin  Kubra 

mongol basqınshıları tárepinen jawızlarsha óltiriledi. 

Shayx  Najimaddin  Kubra  Kubrawiya  yaki  «zahabiya»  dep  atalıwshı 

tariqatqa  tiykar  salǵan.  Bul  tariqatshılar  arasında  «qupıya»  zikir  etiw  keń 

qollanılǵan.  Onıń  eń  belgili  shıǵarması  «Usulı  ashara»  bolıp,  ol  barlıq 

tariqatlarǵa óz tásirin kórsetken. Najmiddin Kubranıń miynetleri Iran, Kishi Aziya 

hám Hindstandaǵı tariqat ortalıqlarına kúshli tásir etken. 

Kubrawiya 

táliymatı 

mongollar 

basqınshılıǵına 

shıdam 

bergen 

táliymatlardan biri. Bul táliymat mongol qáwimleri hám húkimdarlardıń islam dini 

táliymatların qabıl etiwde úlken tásir kórsetken.