Tema: Ruwxiyliq barkamal insandi qaliplestiriwde shanaraqtin’ tutqan orni. Reje; 1,Jamiyette shanaraqtin’ roli

Bizin` elimiz shoralar da`wiri miyrimsizliktin` urig`in septi. Sebepsiz, jipajeksiz quwdalawlar, qatag`anlar, repressiyalar, eriksizlik, huqiqsizliq, bir-birewdin` u`stinen domalaq arzalar, birin-birine an`latiwlar adamlar arasinda a`kesine de isenbewshilikti tuwdirip qoymastan, birewdin` ta`g`dirine itibarsizliqti, biypa`rwaliqti, adamnin` nalasina tas bawirliqti, su`rbetlikti keltirip shig`ardi. Basqariwdag`i byurokratizm , administrativlik usil, stodin` ku`shi adamlardi hijran otina saliwi, dadinin` jetpewi oni qatal kewilli qildi. Na`tiyjede, ha`tteki a`ke-sheshesin de qorlaytug`in, o`lse de qaramaytug`in, olardi nagiranlar u`yine aparip taslaytug`in yamasa tuwg`an balalarin dalag`a yaki tuwiw u`yine qaldiratug`in tas bawirlar, reyimsizler payda boldi. G`a`rezsizlik tiykarinda o`zligimizge qaytiwimiz benen, burin elimizdin` turmis qa`lbine aylanip, olardin` murati bolg`an miyrim-sha`pa`a`tlilikti qayta tiklew waziypasi qoyilip, ol milliy g`a`rezsizlik ideologiyasinin` tinishliqti, dosliqti, adalatliqti bawriken`likti ta`ripleytug`in ideyasinin` tu`p sag`asi, filosofiyaliq deregine aylandi. Miyrim-sha`pa`a`t ken` filosofiyaliq tu`sinik. Ol insannin` qa`dirine jetiw, hal sorasiw, adamnin` awirin jen`il etiw, qayir-saqawatliq ko`rsetiw, jetim-jesirge saqiy boliw siyaqli pa`ziyletlerdin` jiyintig`i. Shininda da miyrim-sha`pa`a`t bul ta`rbiyalawshi, jigerlendiriwshi ku`sh. Sonliqtan xalqimiz` «Mehir tasqini da`r`yadan ku`shli», «Mehir temirdi eriter, qa`ha`r tasti jarar» dep u`yretken.