Tema. Pedagogikalıq konpetentlikti qáliplestiriwde aralıqtan oqıtıw texnologiyası

Tema.Pedagogikalıq konpetentlikti qáliplestiriwde aralıqtan oqıtıw texnologiyası
Reje
1.Aralıqtan oqıtıw haqqında túsinik
2.Aralıqtan oqıtıw texnologiyaları

Aralıqtan oqıtıw - bul aralıqtan turıp oqıtıw bolıp oqıw shınıǵıwlarınıń barlıǵı yamasa kóp bólegi telekommunikasion hám zamanagóy informaciyalastırıw texnologiyalar tiykarında alıp barıladı. Aralıqtan oqıtıw - ilimiy-texnikalıq rawajlanıw dáwirdiń jemisi bolıp tabıladı hám áyne waqıtta onıń rawajlanıw katalizatori ham bolıp tabıladı. Aralıqtan oqıtıwdıń didaktik sisteması .Aralıqtan oqıtıwdıń didaktik sisteması, tómendegilerdi óz ishine aladı. Oqıtıw maqseti mámleket tálim standartları tiykarında qáliplestirilip,bilim, kónlikpe hám ilmiy tájriybeler xamda jeke pazıyletler sistemasın óz ishine aladı. Bul oqıtıw maqseti, oqıw páni maqseti, temanıń oqıw maqseti, temanıń tayansh túsinikleri oqıw maqsetinen qáliplesedi.Oqıtıw mazmunı dástúriy oqıtıw sistemasına tuwrı keledi.Aralıqtan oqıtıwda barlıq qánigelikler boyınsha tayarlaw múmkinshiligi joq. Oqıtıwdıń bunday túrinde oqıtılıwı qadaǵan etilgen jónelisler dizimi nızam aktları menen tastıyıqlanip, bul jónelislerde bul sistemanı qollaw qadaǵan etiledi. Tálim alıwshılar. Aralıqtan oqıtıw sistemasında tálim alıwshılardıń atalıwı ele anıqlanbaǵan. Geyde olardı tıńlawshılar dep ataydilar. Aralıqtan oqıtıw sisteması tálim alıwshılardıń jetkilikli tayınlıǵın hám jumıs orınlarınıń texnikalıq támiynatın talap etedi. Oqıtatuǵınlar. Bul oqıtıwshılar, tiykarınan tálim processin payda etiw natiyjeliligi bularǵa baylanıslı boladı. Biraq aralıqtan oqıtıwdıń didaktik sisteması qásiyetleri oqıtıwshılar atqaratuǵın xızmetlerin túrli rayon wazıypalardı, atqaratuǵın rólınıń túrli ekenligin talap etedi. Shet mámleketlerde oqıtıwshılar xarakteristikalanıwı keńeytirilgen:

• oqıtıwshı - oqıw - stilistik qóllanbalardıń islep
shıǵıwshısı ;
• oqıtıw usılları boyınsha máslahátshi (fasiliteyter);
• oqıw kurslarınıń interaktiv usılları boyınsha qánige
(tyuter);
• oqıw nátiyjelerin baqlaw boyınsha qánige
(invigilator);
Oqıtıw metodları (usılları ). «Methodas» sózin grek tilinen awdarma qilsaq, onıń mánisi - ózin tutıw, jol, mánisin ańlatadı. Oqıtıw metodları degende oqıtıw maqsetine erisiw ushın, tálim alıwshılardıń iskerligin shólkemlestiriw hám basqarıw, oqıtıwshı hám oqıwshı munasábetleri haqqında teoriyalıq túsinik beretuǵın didaktik kategoriya túsiniledi.
Aralıqtan oqıtıw sistemasında, tap dástúriy oqıtıw sistemasındaǵı sıyaqlı, oqıtıwdıń bes metodı qollanıladı : informaciya - reseptiv, reproduktivlik, mashqalalı bayan, evristik hám izertlew.
Oqıtıw quralları. Oqıtıw mazmunı hám oqıtıw quralları bir- biri menen baylanıslı. Hár bir oqıtıw quralı óz didaktik múmkinshiliklerine iye. Oqıtıwshı bul didaktik múmkinshiliklerdi biliwi hám olardan kerekli didaktik maqsetlerge erisiw ushın kerekli oqıtıw quralları kompleksin (keys) qáliplestiriwi kerek. Oqıtıw quralları tómendegilerden ibarat : kitaplar (qaǵaz hám elektron formada ); sistema daǵı oqıw materiallar ; kompyuter oqıw sistemaları ápiwayı hám multimedia variantda ; audio oqıw informaciyaları ; video oqıw informaciyalariAralıqtan laboratoriya ámeliyatlar hám virtual stendlar; trenajyorlar ; aralıqtan bilim bazaları ; geoaxborot hám bahalaytuǵın oqıtıw sistemaları tiykarında didaktik materiallar. Oqıtıw quralları - oqıtıwdıń texnikalıq quralları : magnitofon, videomagnitofon, kinoproektor, diaproektor, kodoskop, videoproektor, kompyuterler arqalı ámelge asıriladı.Ilimiy oqıw material bazası. Barlıq rawajlanǵan mámleketler tájiriybesi sonı kórsetedi, tálim sistemasınıń normativ iskerlik kórsetiwi, onıń ekonomikalıq jáne social mártebesi oqıw shólkeminiń oqıw materialı bazası menen bekkem baǵlıq. Dástúriy oqıw shólkeminiń oqıw material bazası oqıw procesi ushın kerek bolǵan barlıq materiallıq hám texnikalıq qurallarkompleksin óz ishine aladı. Bular : oqıw hám járdemshi ımaratlar, laboratoriya úskeneler, ásbap úskeneler, oqıtıwdıń texnikalıq quralları, sabaqlıqlar, oqıw -stilistik materiallar. Identifikasion-qadaǵalaw sisteması. Aralıqtan oqıtıw sistemasında qadaǵalaw qılıwdıń ózgesheligi, oqıtıw sistemasında oqıwshı shaxsın anıqlaw - identifikasiya qılıw hám (basqa shaxs ornında iskerlik kórsetiw) ushın múmkinshilik bermaslik bolıp tabıladı. Sol sebepli bul sistemada bilim sapasın kóp kriteryalı hám obektiv qadaǵalaw formaların videokonferensiyalar sıyaqlı túrlerin ótkeriw áhmiyeti artadı. Oqıtıw formaları. Bul oqıtıwdıń shólkemlestirilgen formasın tańlaw bolıp tabıladı. Oqıtıw formalarınıń tómendegileri rawajlanǵan : lekciyalar, seminarlar, laboratoriya shınıǵıwları, kurs jumısları, sınaqlar, imtixanlar, máslahátlar, ózbetinshe jumıs. Aralıqtan oqıtıwda oqıw procesi izbe-iz keletuǵın baylanısde bolıw hám baylanısde bolmaǵan dáwirlerden ibarat. Oqıtıw formalarınıń barlıq túrleri, oqıw procesi baylanısde bolıw dáwirinde hám baylanısde bolmaǵan dáwirinde óz ózgeshelikine kóre qollanıladı. Finanslıq-ekonomikalıq sistema. Bul aralıqtan oqıtıw sistemasında eń áhmiyetli faktorlardan biri bolıp, bazar ekonomikası sharayatında ol tek óz- ózin materiallıq támiyinlep qalmay, bálki, oqıw sistemasın rawajlandırıw hám jetilistiriwge alıp keledi. Sol sebepli hár bir oqıtıwshı oqıtıw sisteması ekonomikası menen tanıw bolıwı kerek.
Tapsırma.Joqarıda ótilgen tema boyınsha óz túsinigińizdi tómendegi bos orınla rǵa jaylastırıń.

Ádebiyatlar:

1.Mavlonova R.A., Toʻraev O.T., Xasanboeva O, Xoliqberdiev K.M. -
«Pedagogika» T. «Oʻqituvchi » - 1998 i.
2. Mavlanova R.A., Vohidova N.H., Rahmanqulova N. Pedagogika nazariyasi
va tarixi. Darslik . –T. «Fan va texnologiyalar», 2010
3.Xoshimov K., Ochilov S., Oʻzbek pedagogikasi antologiyasi. Oʻquv
qoʻllanma. –T. Oʻqituvchi, 2010.
Internet tarmaqlarınan
www.google.uz
www.vikipedia.uz
www.arxiv.uz
www.ziyo.net
www.student.uz