Tema: jinayattiń obiektiv tárepi jobasi: Jinayattiń obiektiv tárepi túsinigi hám áhmiyeti; Jinayiy qilmis hám oniń túrleri

Jinayiy háreketsizlik – shaxstıń orınlawı shárt hám múmkin bolǵan háreketti orinlamawda sáwlelenetuǵın passiv minez-quliq bolıp tabıladı.
Anıq háreket social processtiń normal xızmet kórsetiwin támiyinleytuǵın buwınlar shınjırındaǵı zárúrli buwın bolıp tabıladı. Usı buwınnıń túsip qalıwı, yaǵnıy hárekettiń sadir etilmewi usı shınjırdıń úzilisin hám muwapıq túrde atap ótilgen processtiń buzilıwın ańlatadı.
Jinayiylı háreketsizlik arnawlı bir háreketlerdi sadir etiwden tiyiliwdaǵi birden-bir hárekette yamasa yuridikalıq tárepten zárúr hám obiektiv tárepten zárúrli bolǵan háreketti atqarmawda sáwlelenetuǵın passiv minez-qulıq sistemasında kórinetuǵın boladı. Jınayiy háreketsizlik bolıwı ushın shaxs, jinayat nızamı menen qorǵalatuǵın social munasábetlerdi saqlaw hám bekkemlew ushın talap etiletuǵın háreketti orınlawı kerek hám sonday múmkinshilikke ıye boliwi kerek.
Bunnan kelip shıǵıp, háreketsizlikke tán bolǵan eki obiektiv hám subyekt kriteryanı belgilep alamız.