Tema: aspekte të menaxhimit të afarizmit bankar – tregu I kredidhënies si një ndër instrumentet e sigurimit të një rritjeje të QËndrueshme ekonomike në kosovë

7.4 Propozime për kërkime të mëtejshme

Në këtë studim, autori u përpoq të vlerësojë se cili do të jetë ndikimi i kredive në rritjen ekonomike dhe cilat janë format e menaxhimit në industrinë bankare, sepse si për organet rregullative ashtu edhe për ekonominë është me një rëndësi të jashtëzakonshme arritja e stabiliteti financiar dhe ekonomik.

Hulumtimet e ardhshme lidhur me ndikimin e kredive në zhvillimin ekonomik duhet të intensifikohen jo vetëm në Kosovë por edhe në vendet e EQL-së, pasi mungojnë hulumtimet empirike në këtë fushë. Gjithashtu, hulumtimet duhet të jenë në nivel vendi, pasi që secili vend ka specifikat e veta në aspektin ekonomik. Modeli i regresionit i përdorur nga autori duhet të zgjerohet në modele multivariate, duke përfshirë edhe variabla të tjera të pavarura financiare dhe jofinanciare.
Gjithashtu, literatura ende ka paqartësi sa i përket shkakësisë lidhur me atë se zhvillimi i ndërmjetësimit financiar shkakton rritjen ekonomike, apo kemi drejtimin e kundërt. Prandaj, studimet në të ardhmen duhet të fokusohen edhe në këtë drejtim, duke përdorur testin Granger.
Pasi që autori ishte i kufizuar në përdorimin e GDP reale, në hulumtimet e ardhshme është e nevojshme të përsëritet ky studim kur në Kosovë do të fillojë llogaritja e GDP-së reale.
Me një rëndësi të jashtëzakonshme është që hulumtimet të zgjerohen edhe në aspektin e ndikimit të politikave rregulluese të BQK-së në aspektin e vëllimit të kredive të huazuara dhe sa mund të jetë efekti i këtyre politikave në plotësimin e kërkesave të ekonomisë për kredi, dhe a i ndërmarrin të gjitha masat që niveli i kredive joperformuese të mos jetë pengesë e zhvillimit të procesit normal të huazimit nga bankat.
Hulumtimet empirike sa i përket menaxhimit të riskut kreditor mungojnë në regjionin e EQL-së, e posaçërisht në nënregjionin e EJL-së. Modelet e përdorura për të vlerësuar riskun kreditor në

196
Konkluzione Përfundimtare

këto vende, sipas hulumtuesve, zakonisht janë modele standarde dhe, sipas tyre, nuk dihen saktë mënyrat e menaxhimit të riskut. Prandaj rekomandohet që këto hulumtime të intensifikohen duke përdorur modelet më të avancuara të vlerësimit të riskut kreditor dhe këto modele të përdorura nga bankat të mbikëqyren nga Banka Qendrore, për të vlerësuar se a janë modelet të përshtatshme, varësisht prej ekspozimit të bankës ndaj riskut.

197
ANEKSI
A
_________
PYETËSORI


Informacion mbi menaxhimin e kredive
1.Cila është pesha mesatare që zë investimi në kredi ndaj totalit të aktiveve në bankën tuaj?

Pesha mesatare që zë investimi në kredi ndaj totalit të aktiveve është		%

2. Si është ndarë mesatarisht portfolio e kredive midis individëve dhe biznesit?

Portfolio	Përqindja	%
Individë		%
Biznese		%
Korporata		%
Administratë shtetërore		%

3. Specifikoni llojet e kredive që plason banka juaj për:

	3.1.Individë			Përqindja			%
Pasuri të paluajtshme						%
Konsumatorë						%
Overdraft						%
Të tjera (specifiko)						%
	3.2 Biznes			Përqindja			%
Kapital qarkullues						%
Blerje pajisjesh						%
Linja kredie						%
Pasuri të paluajtshme						%
Të tjera (specifiko)						%
		198