Тема: Анатомия панинин классификациясы рауажланыу тарийхы хам уйрениу методы

8-súwret. Birinshi moyin omırtqa

(atlant).

1-arqa dúńkilik; 2-arqa burılma; 3-omırtqa tesigi; 4-omırtqa arteriyasinıń qarıǵı; 5- joqarǵı buwın oyiqshası; 6-kóldene tesik; 7- kóldene (kese) ósik; 8-laterial massa; 9- tis oyıqshası; 10- aldınǵı dúńkilik; 11- aldınǵı burılma

9-súwret. Bel omırtqası.

1-qırlı ósik; 2-omırtqa burılması; 3-joqargı buwın ósigi; 4-emizik tárizli ósik; 5- qosımsha ósik; 6-kóldene (kese) ósik; 7-omirtqa tesigi; 8- omırtqa burılmasınıń ayaqshası; 9- omırtqanıń denesi;

Aksis yaki ekinshi moyın omırtqası tis tárizli ósimshesi bolıwı hám joqarǵı buwın ósimsheleri bolmawı menen moynınıń basqa omırtqalarınan parq

qıladı. Moyın omırtqasınıń arqa ósimshesi uzın, juwan hám ekige ayırılmaǵan bolıp tiri adamda teri astında bilinip turadı.
Kókirek omırtqaları 12 dana bolıp, 1-den 12-ge shekem irilenip baradı. Omırtqa tesigi domalaq boladı. Kókirek omırtqaları denesinde qabırǵanıń bası kelip birigiwi ushın hám qaptal ósimshesi qabırǵa tompaǵı birigiwi ushın buwın júzleri payda bolǵan. Arqa ósimshesi uzın ushı qırlı bolıp, tómennen bir-biriniń ústine mingesip turadı.
Bel omırtqaları adam denesindegi eń úlken omırtqalar olar besew boladı. Bel omırtqalarınıń denesi kókirek hám moyın omırtqalarınıń denesinen úlken hám lobiya kórinisine iye. Bel omırtqalarınıń arqa ósimteleri jalpaq plastinka kórinisine iye, qaptal ósimteleri jińishke uzın, buwın ósimteleri bolsa, sagital jaylasqan.
Birinshi moyın omırtqasınan besinshi bel omırtqasına shekemgi omırtqalardıń denesi úlkeyip baradı. Omırtqa baǵanasındaǵı 7- moyın omırtqası 1- kókirek omırtqası hám bel omırtqası bir birine uqsas boladı.

10-súwret. Segızkóz súyegi.

1-segizkóz súyeginiń tiykari; 2- joqarǵı buwın ósigi; 3- laterial bólimi; 4-kóldene (kese) - sızıqlar; 5-segizkóz súyeginıń tesikleri; 6- segizkóz súyeginın ushı; 7- quyimshaq; 8-segizkóz omırtqaları;
Segiz kóz súyegi (os sacrnm) úsh múyeshlik túrinde bolıp adamnıń jaslıq dáwirinde ayırım omırtqalardan ibarat boladı, keyin ala olar birlesip bir pútin segiz kóz súyegin payda etedi. Segiz kóz súyeginiń joqarǵı tárepi keń bolıp tiykarı, al tómengi tárepi tar bolıp ushı delinedi. Qaptal tárepinde qulaq tárizli buwın júzi jaylasqan. Ol shanaq súyeginiń usınday buwın júzi menen birlesedi.