|
3.Fizikalıq ta’repler mu’lk salıg’ının’ to’lewshileri, salıq obekti h’a’m bazası.
Salıq kodeksine muwapıq salıq salınatug’ın mu’lkke iye bolg’an fizikalıq ta’repler, shet-el puqaraları, sonday-aq yuridikalıq ta’rep bolıp h’a’m bolmastan du’zilgen diyxan xojalıqları, fizikalıq ta’replerdin’ mu’lkine salınatug’ın salıqtın’ to’lewshileri bolıp esaplanadı.
Fizikalıq ta’replerdin’ O’zbekstan Respublikası aymag’ında jaylasqan u’y-jayları, kvatiraları, bag’ı, garajlar h’a’m basqa imaratlar qunı salıq salıw obekti esaplanadı.
Fizikalıq ta’replerdin’ mu’lkin inventarizatsiyalaw qunı salıq salıw bazası bolıp esaplanadı. Eger fizikalıq ta’replerdin’ mu’lkinin’ bah’ası tiyisli juwapkerli wa’killigi bar mekemeler ta’repinen anıqlanbag’an bolsa, bunday jag’dayda O’zbekstan Respublikası Prezidenti qararı menen 2013 jıldan baslap mu’lktin’ sha’rtli qunı menen belgilenedi h’a’m de ornatılg’an stavkalar tiykrında salıqqa tartıladı.
№2 sızılma bar.
Fizikalıq ta’replerdin’ mu’lkine salıq stavkaları O’zbekstan Respublikası Prezidenti qararı menen belgilenedi, olardı salıq to’lewshilerge Finans ministrligi, Ma’mleketlik salıq komiteti h’a’m onın’ to’mengi organları ta’repinen belgilengen ta’rtipte jetkiziledi. Salıq stavkaları h’a’r jılı keyingi finans jılı ushın O’zbekstan Respublikası Prezidentinin’ makroekonomikalıq ko’rsetkishler prognozı h’a’m ma’mleket byudjeti parametrleri h’aqqındag’ı qararı tiykarında qayta ko’rip shıg’ılıwı mu’mkin.
2013-jıl 1-yanvardan fizikalıq ta’repler mu’lk salıg’ının’ stavkaları to’mendegishe belgilengen: (2 -keste)
2 .keste
Fizikalıq ta’repler mu’lk salıg’ı stavkaları
Salıqqa tartıw obekti
|
Mu’lktin’ inventarizatsiya qunına salıstırg’anda salıq stavkası %
|
Turaq jaylar, kvatiralar, dala h’a’wli h’a’m bag’ u’yleri, garajlar h’a’m basqa imaratlar, xanalar h’a’m qurılmalar olardın’ qunınan kelip shıg’ıp
|
1,04
|
Turaq jaylar h’am kvatiralar qalada jaylasqan ulıwma ko’lemi:
|
1,25
|
200 kv. m joqarı, 500 kv. m shekem bolsa
|
|
500 kv.m joqarı bolsa
|
1,55
|
Fizikalıq ta’repler mu’lkin bah’alaw boyınsha tiyisli organ ta’repinen belgilengen inventarizatsiya qunı bolmasa salıq o’ndiriw ushın 2010 jıl 1 yanvardan Tashkent qalası h’a’m wa’layat oraylarında 18480,0 mın’ summ basqa qalalar h’a’m awıllıq jerlerde 8030,0 mın’ sum mug’darındag’ı mu’lktin’ sha’rtli qunı qabıl qılınadı. Fizikalıq ta’replerdin’ mu’lkleri texnikalıq invertarizatsiyalaw byurosı (TİB) xızmetkerleri ta’repinen bah’alanadı.
Mu’lkine salıq salınatug’ın mu’lk boyınsha pensionerler ushın mu’lk salıg’ı boyınsha salıq salınbaytug’ın en’ kem mug’dar ulıwma maydannın’ 60 kv. metri ko’leminde belgilenedi.
Salıq nızamshılıg’ına muwapıq to’mendegi fizikalıq ta’replerdin’ mu’lkinde bolg’an imaratlar, binaları h’a’m qurılmalarına salıq salınbaydı:
- «O’zbekstan Qah’armanı», Sovet awqamının’ qah’armanı, Miynet qah’armanı ataqlarına iye bolg’an, u’shinshi da’rejeli Shuh’rat ordeni menen sıylıqlang’an puqaralardın’;
- 1941-1945-jıllardag’ı urıs qatnasıwshıları h’a’m partizanları, olarg’a ten’lestirilgen shaxslar, ishki isler h’a’m ma’mleket qa’wipsizligi organları quramında xızmet qılg’an shaxslardın’, h’a’rekettegi armiya quramına kirgen a’skeriy bo’limler, shtablar h’a’m bo’limlerde shtatdag’ı lawazımlardı iyelegen shaxslar, Leningrad qalası qamalında bolg’anlardın’ h’a’m kontsentratsion lagerlerdin’ burıng’ı jas tutqınları, xızmetti Afg’anstan Respublikasında h’a’m jawınger h’a’reketler alıp barılg’an basqa ma’mleketlerde waqtınsha bolg’an otryadlardın’ sheklengen kontingenti quramında o’tegen a’skeriy xızmetkerler h’a’mde oqıw h’a’m sınaw shaqırıqlarına shaqırılg’an a’skeriy xızmetge ma’jbu’riy shaqırılg’anlardın’;
- on h’a’m onnan artıq perzenti bar h’ayallardın’;
-Chernobil AESdag’ı avariya aqıbetlerin saplastırıwg’a qatnasqanlıq ushın jen’illikler alıp atırg’an puqaralardın’ (sonnan, ol jerge waqtınsha yamasa xızmet saparına jiberilgen puqaralardın’);
-salıq alınbaytug’ın maydan o’lshemi shegarasındagı pensionerlerdin’, sonday-aq I h’a’m II gruppa mayıplarının’;
- mu’ddetli xızmettin’ a’skeriy xızmetkerleri h’a’m olardın’ semya ag’zalarının’ xızmetti o’tew da’wirinde;
- a’skeriy xızmet minnetlemelerin atqarıwda jaradar, kontuziya bolg’anlıq yamasa jaraqatlang’anlıq aqıbetinde yamasa frontta bolıwına baylanıslı arttırılıg’an kesellik aqıbetinde o’lgen a’skeriy xızmetkerlerdin’ ata-anaları h’a’m basqa turmıs qurmag’an kelinsheklerinin’ (ku’wewlerinin’).
Joqarıda na’zerde tutılg’an jen’illikler mu’lk iyesinin’ tan’lawına baylanıslı, jen’illik alıw h’uqıqını beriwshi za’ru’rli h’u’jjetler salıq organlarına usınılg’anda, mu’lktin’ tek bir obektine tiyisli boladı. Bunda mu’lk jen’illik alıwshının’ mu’lki bolg’an jag’daylarda g’ana usınıs etiledi.
Fizikalıq ta’replerdin’ mu’lkine salınatug’ın salıq ma’mleketlik salıq xızmeti organları ta’repinen esaplap shıg’arıladı.
Mu’lk salıg’ı boyınsha jen’illikler h’uqıqına iye bolg’an shaxslar za’ru’r h’u’jjetlerdi ma’mleketlik salıq xızmeti organlarına usınıs etedi.
İmaratlar, binalar h’a’m qurılmalar ushın mu’lk salıg’ı olardın’ h’a’r jılı 1-yanvardag’ı jag’dayınan texnikalıq inventarizatsiyalawdın’ aymaqlıq kadastr byuroları usınatug’ın inventarizatsiya qunına baylanıslı mag’lıwmatlar tiykarında esaplap shıg’arıladı, bunday mag’lıwmatlar bolmag’an jag’dayda bolsa, O’zbekstan Respublikası Prezidenti qararı menen belgilengen mu’lktin’ sha’rtli qunı qabıl etiledi.
Jan’a imaratlar, binalar h’a’m qurılmalar boyınsha salıq olar qurılg’an yamasa alıng’an jıldan keyingi jıldın’ basınan baslap to’lenedi.
Miyras boyınsha o’tken mu’lkten salıq miyrasxorlarınan miyras ashılg’an payıttan baslap o’ndiriledi. Mu’lk joq qılıng’an, pu’tinley wayran bolg’an h’allarda mu’lk salıg’ı o’ndiriw olar joq qılıng’an yamasa pu’tinley wayran bolg’an aydan baslap toqtatıladı.
Mu’lk salıg’ın to’lew h’aqqındag’ı to’lew xabarnamaları to’lewshilerge ma’mleketlik salıq xızmeti organları ta’repinen h’a’r jılı 1 maydan keshiktirmey tapsırıladı. Esaplang’an jıllıq salıq mug’darı ten’ u’leslerde eki mu’ddette 15-iyun h’a’m 15-dekabrden keshiktirmey jergilikli byudjetke to’lenedi.
Eger salıq to’lewshi ta’repinen artıqsha summalarda to’lengen bolsa, salıq h’a’m jıyımlar boyınsha qarızları bolmasa, bul summalar onın’ jazba arzasına muwapıq 30 ku’n ishinde salıq to’lewshige qaytarıladı yamasa endigi to’lemler esabına o’tkiziledi.
Fizikalıq ta’replerdin’ mu’lkine salınatug’ın salıqtı to’lewshilerdin’ esabı ma’mleketlik salıq xızmeti organları ta’repinen h’a’r bir jıldın’ 1-yanvardag’ı jag’dayı boyınsha qala h’a’m rayonlar boyınsha, texnikalıq inventarizatsiyalaw, aymaqlıq kadastr byurosında bar bolg’an imaratlardın’ iyeleri h’aqqındag’ı mag’lıwmatlarg’a tiykarlangan h’alda o’tkiziledi.
Do'stlaringiz bilan baham: |
