Televideniye va telemexanika asoslaridan qo‘shimcha savollar

Tovush va ovoz signallarini siqish nima uchun kerak?

O`tgan boblarda keltirilgandek, analog televizion signalni raqamli shaklga o`zgartirilganda, chiqishdagi video ma‘lumotlar oqimi 240 Mbit/s gacha yetishi mumkin va bu bir soatda uzatilayotgan ma‘lumotlar uchun 108 Gbaytni tashkil etadi. Bu o`z navbatida raqamli televideniye aloqa tarmog`i uchun 120 MGsli o`tkazish polosasi bo`lishini talab etadi va bunday katta hajmli ma‘lumotni 8MGsli standart televizion kanaldan uzatish mumkin emas. Bunday katta hajmdagi raqamli ma‘lumotlarni yozish va xotirada saqlashda, raqamli serverlarni yaratishda ko`pgina qiyinchiliklarni keltirib chiqaradi. Shu sababli videosignal ko`rsatgichlarini moslashtirish va aloqa kanallaridan uzatish uchun, televizion tasvir ma‘lumotlarning ortiqchaligini hisobga olgan holda, siqish usullaridan foydalaniladi. Agar siqish qo`llanilmasa o`rta holdagi bitta film yuzlab Gigabaytni egallaydi.Agar tezligi 56 Kbit/s modem ishlatilsa, bir kunlik olingan videotasvirni 8 yil davomida uzatish kerak bo`ladi. Shu sababli ma‘lumotni uzatish tezligini ko`tarish uchun raqamli videotasvir doimo siqiladi.

73.