Telekommunikatsiya aloqa tarmoqlarida sinxronizatsiya

8.3. Sinxronizatsiya aniqligi


SHunday savol tug‘ilishi mumkin, oqimlar o‘rtasidagi kechikishning qanday qiymatini e’tiborga olmasa ham bo‘ladi? Bu savolga javob juda ko‘p omillarga bog‘liq bo‘ladi, shu jumladan nima sinxronalayotganiga va qanday maqsadda sinxronalayotganiga bog‘liq. Masalan tovushni va tasvirni sinxronlash etarlicha qat’iy bo‘lmasligi va videoning sifati hamda freymlarning tezligiga bog‘liq xolda o‘zgarishi mumkin, ayni paytda tovush oqimlarini sinxronlash juda ham aniq bo‘lishi kerak. Tovush va tasvirni sinxronizatsiyalashda bir necha o‘nlab milli sekund aniqlik etarli xisoblanadi. Video konferensiyalarni o‘tkazish bilan bog‘liq eksperimentlar 80…100ms tartibidagi chegaraviy qiymatni beradi, uning bu qiymatdan oshishiga yo‘l qo‘ymaslik kerak. Uzatilayotgan tasvirning sifati oshganda bu chegara kamayadi.