Телекоммуникацияда бошқарув тизимларининг аппарат ва дастурий таъминоти” кафедраси

Назорат саволлари

1. 
   RIP қандай протокол ва у нима учун хозирги кунда тармоқларда деярли ишлатилмайди?
   
2. 
   OSPF протоколи қандай авзалликларга эга?
   
3. 
   OSPF қандай протокол ва унинг ишлаш принципи?
   

3-амалий машғулот. SNMP (Simple Network Management Protocol) протоколини имитацион моделини ўрганиш


Ишдан мақсад: SNMP протоколини имитацион моделини яратган холда, ушбу протоколнинг ишлаш принципини ўрганиш


Назарий қисм

Internet қурилишининг асосини SNMP ташкил этади. SNMP протоколидан тармоқ қурилмаларининг жорий ҳолати, самарадорлиги ва бошқа характеристикалари ҳақида маълумот олиш мақсадида фойдаланилади. Масалан, аналог ва рақамли абонент линиялари модемларига созланган SNMP вакиллари тармоқ характеристикаларни назорат қилишга имкон беради. SNMP вакиллар (менеджерлар) орқали SNMP бошқарувчилар станция ресурсларини бошқариш имконига эга бўладилар.

Internetда тармоқ бошқаруви иловалари ўзига хос хусусиятлар билан белгиланмаган. Мазкур иловаларда етказиб берувчи фирмалар учун хос бўлган тармоқ бошқаруви модуллари (масалан, носозликларни, мантиқни бошқариш ва бошқалар) мавжуд бўлади. SNMP UDP (User datagram protocol)дан тепада, у эса ўз навбатида IP дан юқорида жойлашган бўлади.
OSIни бошқаришнинг OOD принципларига асосланган тузилиши тармоқдаги хизматга оид ахборотлар миқдорини камайтириш имконини беради, чунки Internet бошқарувидан фарқли равишда менежер ва агентлар ўртасида кўп сонли хабарлар алмашинувига зарурат бўлмайди.
Бундан ташқари, OSI тизимларидаги ишончли транспорт протоколи ҳамда агентлар ва менеджерларнинг ўзаро аутентификациясининг ишончли воситалари мавжудлиги замонавий ахборот ва тармоқ технологиялари тезлиги юқори суръатларда ортиб бораётган замонавий шароитларда бундай бошқарувнинг истиқболлари тўғрисида фикр юритиш имконини беради.
Бошқарув ахборотининг мазмуни аниқ амалий вазифаларни ҳал қилиш билан белгиланади. Шу муносабат билан қуйидагиларга алоҳида эътибор қаратиш зарур:
а) MIBга (Маnagement Information Base - маълумотларни бошқариш базаси) жойлаштириладиган бошқариладиган объектларнинг функционал ва ахборот моделларини яратишга;
б) аниқ бир жиҳоздаги маълум бир бошқарув ҳолатларининг математик моделларига. Уларнинг ҳал этилиши бошқарувнинг бирламчи параметрларини ва бундай ҳолатларда фильтрлаш мезонларини белгилаб беради.