Telefon afzalmi? Yoki kitob

Telefon afzalmi? Yoki kitob

Insonning eng yaqin va beminnat do’sti kitobdir.Hech o’zingizga savol berib ko’rganmisiz? Biz aslida nima uchun kitob o’qiymiz! Sababi oddiy, chunki kitobda dunyoda hech narsa bilan taqqoslab va hech qayerdan topib bo’lmaydigan halovat bor. Yana kitob dunyoni qalb ko’zi bilan ko’rishimizga yordam beradi. Endi kitobning foydali tomonlariga keladigan bo’lsak, kitob insonning so’z boyligini oshiruvchi, dunyoqarashini kengaytiruvchi, ko’pchilik o’rtasida bemalol hayajonsiz suhbatlasha olishga yordam beruvchi ilm, bilim manbaidir.Shuning uchun yoshi ulug’lar kitob o’qing, deb ko’p bora takidlashadi. Kitob insonni o’zgacha bir olam egasiga aylantiradi.

Kitobxon shu qadar zukko, ilmli bo’ladiki, uning oldida kitob o’qimaydigan inson ajralib qoladi.Ko’p vaqtini ilmga bag’ishlab, umrini yaxshiliklarga, ilm berish , olish yo’liga bag’ishlagan insonlarni yomonlik qilganliklarini hech eshitganmisiz? Shuning uchun kitob o’qish hech qaysi insonga zarar keltirmagan va keltirmaydi ham. Ustozimizning bir gaplari bor , telefonda keraksiz narsalarni ko’rib, keraksiz narsalarga vaqtimni sarflagandan ko’ra kitob o’qib ko’zlarimning nuri ketgani yaxshi. Men bu gaplarini eshitib, yanada ko’p kitob o’qishga ahd qildim.

Men telefon , internet paydo bo’lgandan keyin kitob o’qishga bo’lgan e’tibor kamaydi, degan fikrga qarshiman. Sababi kitob o’qimaydiganlar har doim bo’lgan. Faqat ular hozir kompyuterga, undagi o’yinlarga qiziqib qolishgan. Telefon orqali ham badiiy kitoblar, turli asarlarini o’qish mumkin. Agar insonlar bir narsani faqat yomon tomonlarini ko’raversa, u narsa yomonga aylanadi.Ammo, aksincha uning yaxshi taraflaridan foydalanib, uni to’g’ri ishlata olsalar, biz bugungiga o’xshab kitob yaxshimi yoki telefonmi degan savolga javob qidirmayotgan bolardik.