Текст редактор ms word

5.47-сүрөт

16. 
    Тапшырмалар панелинде «Заголовок 2 плюс» дегенди көрсөтүңуз да пайда болуп келе жаткан көмөкчудөгү жебечени басыңыз. Ачылып келе жаткан тизмеден «Удалить» дегенди тандаңыз. Сиз чындап эле бул стилди өчүргөнү жатасызбы деген суроо чыгат
    
17. 
    «Заголовок 2 плюс» стилин өчүрүү үчүн Да деп жооп бериңиз.
    
18. 
    Тапшырмалар панелинде «Показать» талаасынын жебечесин басыңыз, андан соң «Используемое» дегенди басыңыз. Тапшырмалар панелинде ушул документте колдонулган гана стилдер чагылдырылат.
    
19. 
    «Стили и форматирование» тапшырмалар панелин жабыңыз,
    
20. 
    Стандарттык куралдар панелинде «Сохранить», баскычын басыңыз, Word киргизилген өзгөртуүлөрдү сактап коёт. Файлды жабыңыз.
    

Объекттер
Бул бөлүмдө сиз төмөнкүлөрдү үйрөнөсүз.

• 
  таблицага текст киргизип, аны форматтоо;
  

• 
  таблицадагы маалыматтар менен иштөө;
  
• 
  текстти колонка түрүндө көрсөтүү;
  
• 
  графикалык объекттер менен иштөө.
  

Таблица түзүү
Таблицалар жана колонкалар маалыматты окуганга ыңгайлуу түрдө көрсөтөт. Таблицалар саптардан жана тилкелерден турат, алардын кесилиши уячаны түзөт. Уячалар сандарттан тартып, текст, сүрөт, ар кандай маалыматтарды камтый алат. Word 2003 таблицаларды бир нече ыкма менен түзүүгө жол берет: таблицаны анын өлчөмүн жана форматын көрсөтүп туруп киргизип койсо болот, каалагандай таблицаны чийип алса болот, же текстти таблицага айландырып алса болот.
Каалаган учурда таблицаны өлчөмүн, структурасын, же форматын өзгөртүп модификациялап алса болот, ошондой эле текстти ячейкага форматтап алса болот. Текстти форматтоо кадимкидей эле жол менен жасалат, болгон айырмасы, текст уячанын чектерине карата тегизделет. Таблицанын сырткы көрүнүшүн жакшыртыш үчүн рамкага салып жана фон берип койсо болот. Таблицанын өлчөмүн тилкелерди, саптарды, уячаларды кошуп, же алып өзгөртсө болот, таблицанын белгилерин сорттосо болот.


Бул бөлүмдө сиз таблица түзүп жана форматтайсыз, таблицанын белгилери менен иштейсиз.
Таблица түзүү
Эгер таблица сандык маалыматтарды камтыса, татаал эмес эсептерди «Таблица» менюсунда «Формула» командасынын жардамы менен түз эле таблицадан жүргүзсө болот (мисалы, тилкелердин, же саптардын мазмунунун суммасын чыгарып алса болот). Татаалыраак эсептер үчүн Ехсеl иш барагын киргизип койгон жакшы.
Текстти колонкаларга бөлүү газета жана бюллетень сыяктуу документтерге мүнөздүү. Word до текстти колонкаларга бөлүү үчүн, керектүү фрагментти бөлүп, колонкалардын санын көрсөтүп коюу жетиштүү. Эгер сизди автоматтык түрдө текстти бөлүү ынандырбаса, тиешелүү натыйжага жетүү үчүн, колонкалардын бөлүнүүсүн кол менен киргизсеңиз болот, мисалы, колонканын баш жагына аталышты жайгаштырсаңыз болот.
Документти таблицага киргизүү үчүн стандарттуу куралдар панелинде «Вставить таблицу» баскычын басып, схемага саптардын жана тилкелердин керектүү санын көрсөтүп коюу жетиштүү. Эгерде өлчөмдөн тышкары, сиз таблицанын форматын бергиңиз келсе, «Добавление таблицы» диалог терезесин ачуу үчүн «Таблица» менюсунда «Вставить таблицу» командасын колдонуңуз. Ошондой эле тексттин бөлүнгөн фрагментин өзгөртүү менен таблица түзсө болот.