Текст редактор ms word

Жокко чыгаруу жана кайрып алуу командалары

Документти редактирлөөдө Word болгон бардык өзгөртүүлөргө көз салып турат. Бул ар кандай өзгөртүүлөрдү кайрадан кыйынчылыксыз жокко чыгарып, баштапкы текстти кайра калыбына келтирүүгө жардам берет. Бул каталарды оңдоодо абдан ыңгайлуу, мисалы кокусунан керектүү сөз өчүрүлүп калынган учурларда.

5.22-сүрөт
Акыркы өзгөрүүлөрдү жокко чыгаруу үчүн стандарттык куралдар панелинен «Отменить» баскычын басыңыз. Эгерде сиз «Отменить» баскычындагы жебечени бассаңыз, сиз документ менен жасаган аракеттериңиздин тизмеси пайда болот. Тизмеде биринчи болуп акыркы аракет турат. Бир нече аракеттин натыйжасын жокко чыгарыш үчүн тизмедеги биринчи аракетти басыш керек.


КЕҢЕШ_________________________________________________________
Эгерде сиз «Отменить», же «Вернуть» кнопкаларынын тизмесиндеги аракетти тандап алсаңыз, сиз ушул аракеттен кийин редактирлөө боюнча жасаган бардык аракеттер жокко чыгарылат. Сиз бир эле аракетти өзгөртө албайсыз, бир эле аракетти өзгөртүү - эгерде ал аракет эң акыркысы болгон учурда гана мүмкүн. «Вернуть» баскычын чыкылдатып, жокко чыгарылган аракетти кайталоого болот.

Жокко чыгарылган бир нече аракеттердин натыйжасын калыбына келтирүү үчүн «Вернуть» баскычындагы тизмени колдонсо болот.

Көчүрүү, текстти жылдыруу
Текстти белгилеп алгандан кийин сиз текстти жылдыруу, же көчүрүү операцияларын жүргүзсөңүз болот.
Тексттин белгиленген фрагменттерин кесип алып, аны документтин бир жеринен алып, башка жерине жылдырып киргизип койсо болот. Кесилип алынган фрагмент «Буфөр обмена» деп аталган эске сактоо талаасында убактылуу сакталат.
Текстти көчүрүү ушундай эле жол менен жүргүзүлөт, бир гана айырмасы: белгиленген фрагмент мурдагы жеринде эле кала берет, ал эми курсор менен белгиленген жерде анын көчүрмөсү пайда болот.
«Алмашуу буферинде» ар кандай булактардан алынган маалыматтардын бир нече элементтери сактала алат. Бул элементтердин тизмеси «Буфер обмена Ofisse» тапшырмалар мейкиндигинде чагылдырылган. Буфер обмена программалары бардык Offise үчүн бир болгондуктан, анда сакталган элементтерди Offise тин каалаган документтерине өз-өзүнчө, же бардыгын тең чогуу киргизип койсо болот. Алмашуу буфери ага бирден ашык элементти киргизүүгө аракет көрүнгөндө активдештирилет. Аны кол менен «Правка» менюсундагы «Буфер обмена» командасы аркылуу, же тапшырмалар панелиндеги буфер белгисин эки жолу басуу менен ачса болот. Алмашуу буферин текстти документтин бир бетинен экинчи бетине, же башка докуменке жылдырууда, же көчүрүүдө колдонсо болот. Эгерде текстти жылдыруу, же көчүрүү бир саптын ичинде, же абзацтын ичинде жүргүзүлө турган болсо, анда аны буферге салуунун кажети жок. Мында керектүү фрагментти белгилеп туруп, жаңы орунга жылдырып коюу жетиштүү болот. Эгерде бул учурда Ctrl клавишасын басып койсо, фрагмент көчүрүлүп калат.


Бул көнүгүүдө сиз болгон документтеги текстти редакциялайсыз. Сиз текстти киргизесиз жана өчүрөсүз, өчүрүүнү жокко чыгарасыз, фразаны көчүрөсүз жана киргизесиз жана абзацты жылдырасыз.


Word ECDL / Редактирование / Редактируемые документы папкасына өтүңүз. Редактирование документа файлын ачыңыз.

1. 
   Документтин башындагы «Март» деген сөздү белгилеп алуу үчүн аны эки жолу чыкылдатыңыз, андан кийин белгиленген сөздү өчүрүп, жаңы сапка өтүш үчүн Enter клавишаны басыңыз.
   
2. 
   Апрель деп жазып, андан кийин бош орун калтыруучу баскычын_басыңыз, курсорду саптын аягына алып келиш үчүн End клавишаны басыңыз, кайрадан бош орун калтыруучу баскычын басып, андан кийин года деп жазыңыз.
   
3. 
   Төмөнгө багытталган жебечеси бар баскычын төрт жолу чыкылдатыңыз, андан кийин Ctrl клавишаны басып коё бербей туруп, сүйлөмдү белгилеп алыш үчүн аны каалаган жерден чыкылдатып коюңуз.
   
4. 
   Белгиленген сүйлөмдү өчүрүш үчүн Delete клавишаны басыңыз.
   
5. 
   Өчүрүлгөн текстти кайрадан калыбына келтирүү үчүн стандарттык куралдар панелиндеги «Отменить» баскычын басыңыз.
   
6. 
   Документтин аягына чыгыш үчүн Ctrl +End клавишаларын басыңыз, «Желаем успеха!» деген фраза пайда болот. Бүт сапты белгилеп алыш үчүн чычкандын көрсөткүчүн бул фразанын сол жагындагы белгилеп алуу мейкиндигине алып келип, чычкандын баскычын эки жолу чыкылдатыңыз. Көчүрүңүз, андан кийин сапты өчүрүп салыңыз.
   

7. 
   Тексттин Мини-кейс 3 деген сөздөн баштап аягына чейин алыңыз. «Вырезать» командасын аткарыңыз, текст алмашуу буферине өтөт.
   

КЕҢЕШ_______________________________________________________
Эгерде киргизилген тексттин жанында «Параметры вставки» деген баскыч пайда болсо, ага көңүл бурбай эле коюңуз.Бул баскыч маалыматты документке киргизүү ыкмасын белгилеген параметрлер тизмесин ачат.