Текст редактор ms word

Документтин мазмунун редактирлөө
Редактирлөө зарылчылыгы жок болгон дурус документти түзүү ар дайым эле мүмкүн боло бербейт. Сиз документти түзүп жатканда редакцияласаңыз болот, же болбосо, биринчи аны түзүп алып, андан кийин редакцияласаңыз болот. Документти болгон документтин негизинде түзсө да болот. Мисалы, былтыркы жарнакты кайрадан редакциялап быйылкы жылдын маркетинг өнөктүгүндө колдонсо болот. Редактирлөө көп кырдуу тапшырмаларды камтыйт: сөздөрдү жана фразаларды кошуу жана алуу, каталарды оңдоо, текстти жылдыруу жана көчүрүү.
Сиз текстти жеңил эле кошуп коё аласыз. Ал үчүн керектүү жерди чычкан менен басып туруп текстти кошо баштаса жетиштүү. Сиз текстти кошо баштаганда, мурдагы болгон текст кошулуп жаткан текстти батырыш үчүн оңго жылышат, ал эми текст саптын аягына жеткенде ал өзу кийинки саптын башына өтөт.
Проблеманын чечилиши. Эгерде сиз текст кошуп жатканда ал оңго жылбастан мурдагы болгон текстти алмаштыра баштаса, сиз алмаштыруу инструментин иштетип койгон жоксузбу, ошону текшериңиз. Сиз кайсы режимде текстти кошуп жатканыңызды текшериш үчүн документтин ачык терезесинин ылдый жагындагы тапшырмалар сабын караңыз. Эгерде «ЗАМ» тамгалары жазылган баскыч боз өңгө боёлгон болсо, анда сиз кошуу режиминде иштеп жаткан болосуз, ал эми эгерде ал тамгалар кара болсо, демек, сиз алмашуу режиминде иштеп жаткан болосуз. Бул эки режимди которуу үчүн оң жактагы сандар клавиатурасынын ылдый жагындагы insert клавишасы колдонулат.


Текстти өчүрүү
Документте текстти өчүрүү эң эле оңой. Анча-мынча каталарды оңдош үчүн Delete жана Backspace клавишаларын колдонсо болот, алар курсордун оң, же сол жагындагы символдорду биринин артынан бирин өчүрөт. Эгерде тексттин чоң фрагментин өчүрүш керек болсо, аны белгилеп алып туруп андан кийин Delete, же Backspace клавишаларын, же болбосо, Стандарттык куралдар панелинен «Вырезать» баскычын басыңыз, же болбосо, «Правка» менюсунан «Вырезать» командасын таап басыш керек.
Өчүрүп салуунун ар кандай ыкмаларын көрсөтүү үчүн биз кийинчиреек символдорду, же тексттин фрагменттерин өчүрүп салуу операцияларына көбүрөөк кайрылабыз.