Текст редактор ms word

Документте бөлүп алуу операциясы
Редактирлөө иштерин жүргүзүү үчүн алгач текстти, сүйлөмдү, же болбосо, символду бөлүп алуу зарыл. Бөлүп алуу бардык операциялар үчүн негизги шарт болуп эсептелет. Андыктан бөлүп алуу эрежелерин билиш керек. Бөлүнгөн текст экранда кочкул болуп билинип турат. Сиз тексттин тигил, же бул элементтерин төмөндөгүдөй жол менен бөлүп алсаңыз болот.

• 
  Сөздү бөлүп алыш үчүн курсорду сөзгө тууралап туруп чычкандын сол баскычын эки ирет чыкылдатыш керек. Сөз жана андан кийинки мейкиндик бөлүнүп калат. Бул учурда тыныш белгилери бөлүнбөйт.
  

• 
  Сүйлөмдү бөлүп алыш үчүн Ctrl клавишаны басып туруп сүйлөмдүн каалаган жерине басыш керек. Сүйлөм алдында турган тыныш белгисинен кийинки биринчи белгиден баштап бөлүнүп калат.
  
• 
  Абзацты бөлүп алыш үчүн курсорду ага тууралап чычкандын сол баскычын үч жолу басыш керек.
  

Биринин артынан бири жайгашкан бир нече сөздү, сапты, же абзацты бөлүп алыш үчүн курсорду тексттин бөлүнүп алына турган фрагментинин башына алып келиңиз. Андан кийин Shift клавишаны басып туруп, фрагменттин аягын чыкылдатыңыз же болбосо, фрагменттин аягына өтүш үчүн жебече клавишаларын колдонуңуз. Эгерде бөлүп ала турган фрагмент тексттин бөлөк-бөлөк блокторунан турса, биринчи блокту бөлүп алып туруп, андан кийин Ctrl клавишаны басып, аны коё бербей туруп, кийинки блокту бөлүп алыңыз.

5.21-сүрөт

Текстти тез бөлүп алыш үчүн «область выделения» (бөлүп алуу мейкиндигин) колдонсо болот: бул документтин сол четин бойлоп жайгашкан боштук. Эгерде көрсөткүчтү бөлүп алуу мейкиндигине жайгаштырсаңыз, ал оңго багытталган кыйгач жебечеге айланат. Бөлүп алуу мейкиндигин төмөнкү элементтерди тез бөлүп алыш үчүн колдонсо болот.

• 
  Сапты бөлүп алыш үчүн керектүү саптын сол жагындагы бөлүп алуу мейкиндигине чычкандын сол клавишасы менен чыкылдатыңыз.
  
• 
  Абзацты бөлүп алыш үчүн абзацтын сол жагындагы бөлүп алуу мейкиндигин эки жолу чыкылдатыңыз.
  
• 
  Бардык документти бөлүп алыш үчүн бөлүп алуу мейкиндигин үч жолу чыкылдатыңыз.
  

Бөлүп алууну жокко чыгаруу үчүн документтин бөлүнгөн фрагменттен тышкары каалаган жерин басып кою жетиштүү болот.

Бул көнүгүүдө сиз символдорду, тексттин фрагменттерин жана бардык документти бөлүп аласыз. Word ECDL / Рабочие докумөнты папкасына өтүңүз. Обзор папкасынан Методы продвижения на рынке файлын ачыңыз.

1. 
   «Правка» менюсунан «Выделить все» командасыи басыңыз. Документ толук бойдон бөлүнүп калат.
   
2. 
   Документтин каалаган жерин бассаңыз, бөлүп алуу жокко чыгат.
   
3. 
   Бөлүп алуу мейкиндигинин жардамы менен сапты, абзацты, бүтүндөй документти бөлүп алыңыз.
   
4. 
   Клавиатуранын жардамы менен, андан кийин чычкандын жардамы менен сапты, абзацты, бүтүндөй документти бөлүп алыңыз.
   

Документти сактабай эле жаап коюңуз.