Текст проекта 24247-(24247)

project.gov.uz
11.11.2020
144
мўлжалланган локомотивларнинг хавфсиз ўтишини таъминлаши керак.
610. Темир йўл шохобча йўллари тасдиқланган лойиҳа ва техник ҳужжатларига мувофиқ бўлиши
керак.
Темир йўл шохобча йўллари доимий ёки вақтинчалик фойдаланиш
учун очилиши мумкин.
Янги қурилган темир йўл шохобча йўлларининг доимий фойдаланиш учун очилишига ва ушбу
йўлга темир йўл ҳаракатдаги таркибини тақдим этишлишига инфратузилма эгаси иштирокида
темир йўл шохобча йўлларини тегишли комиссия томонидан фойдаланишга қабул қилинганидан
ва инфратузилма эгаси томонидан унга хизмат кўрсатиш тартиби ўрнатилгандан сўнг рухсат
этилади.
Вагонларни темир йўл шохобча йўлига тақдим этиш уларни қурилиш даврида ташувчи ва уларни
қурилишини амалга ошираётган ташкилот ўртасида вақтинчалик тузиладиган келишув асосида,
юк ва темир йўл ҳаракатдаги таркибининг бутлигига жавобгарлиги, уни ўз вақтида қайтарилиши
ва ҳаракат хавфсизлигини таъминланиши шартлари билан рухсат этилади.
611. Ҳар бир темир йўл шохобча йўллари учун унинг эгаси томонидан режа, темир йўлларнинг
чизмаси, техник паспорти, бўйлама кесими ва сунъий иншоотлар чизмалари ишлаб чиқилиши
керак. Ушбу хужжатлар тўплами темир йўл шохобча йўлини фойдаланишга қабул қилишда
инфратузилма эгасига тақдим этилади.
Темир йўл шохобча йўлларининг техник паспортида рельслар, шпаллар, темир йўл балласти, ер
қатлами, омбор бинолари, майдончалар, иншоотлар, ўзининг ҳаракатдаги таркиб, маневр
воситалари, тарози ускуналари, ортиш, тушириш, вагонларни тозалаш ва ювиш учун
мўлжалланган мехнизмлар
ва қурилмалар, вагон билан маневр ишларини бажаришда қўлланиладиган механизм ва
қурилмалар мавжудлиги, шунингдек, саралаш тепалиги, тортиш йўллари, поезд ва маневр
ишларида қўлланиладиган сигналлаштириш, марказлаштириш, блоклаштириш ва алоқа
қурилмалари ҳамда бошқа қурилма
ва механизмлар мавжудлиги кўрсатилади.
Янги объектлар фойдаланишга топширилганда ёки улар ёпилган ҳолларда шохобча эгаси техник
паспортга тегишли ўзгартиришларни ўз вақтида киритади
ва техник паспортнинг бир нусхасини инфратузилма эгасига топширади,
унга паспортга киритилган ўзгартиришлар тўғрисида тегишли ҳужжатлар илова қилинган ҳолда
хабар беради.
Инфратузилма эгаси темир йўл шохобча йўлларига туташган темир йўл станцияси
техник–маъмурий далолатномасига ўзгартириш киритилишини таъминлайди, унга темир йўл
шохобча йўллари қайднома иловасини тузади
612. Ҳар бир темир йўл шохобча йўллари учун хизмат кўрсатиш ва темир йўл шохобча йўлларида
ҳаракатни ташкил қилиш бўйича йўриқнома тузилади (бундан буён матнда йўриқнома деб
юритилади). Йўриқнома шохобча эгаси, контрагент, фойдаланувчи томонидан ишлаб чиқилади ва
келишилади
ҳамда инфратузилма эгаси томонидан тасдиқлананади.
Йўриқномада темир йўл шохобча йўлларининг йўллар тизими хусусияти, “Темир йўл шохобча
йўл чегараси” белгиси ўрнатиладиган жой, темир йўл шохобча йўлларида ҳаракатланишга рухсат
этилган поезд оғирлик меъёри

---